Saray Salmo 25:2 - Maung A Balita Biblia

² manmamatalek ak ed sika, O Dios ko. Ag mo pa iyaabuloy a nabaingan ak lapud katalok; ag mo pa met iyaabuloy ya elek-elekan ak na saray kalaban ko!

Maung a Balita Biblia

² manmamatalek ak ed sika, O Dios ko. Ag mo pa iyaabuloy a nabaingan ak lapud katalok; ag mo pa met iyaabuloy ya elek-elekan ak na saray kalaban ko!

Saray Salmo 25:2 Iomraidhean Croise

2 Saray Awaran 13:18

Lapud saray taga Juda et nanmatalek irad Katawan a Dios na saray lalaki ra, tinalo da ray taga Israel.

Saray Salmo 13:5

Balet manmamatalek ak ed ag mangoman a panangarom; manliket ak, ta ilaban mo ak.

Saray Salmo 142:6

Dengel mo pay ikekerew ko na tulong; ta linmereg ak ed kaermenan. Ilaban mo ak pad saray kalaban ko, ta mabiskeg iran tuloy nen siak.

Saray Salmo 18:2

Say Katawan so manangilaban ko; sikatoy mabiskeg a tirinsirak. Say Dios ko so manangyagel ko; tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan.

Saray Salmo 22:1

Dios ko, Dios ko, akin et inkaindan mo ak? Manay-ay ak a kinmerew na tulong, balet ag ni sinmabi.

Saray Salmo 22:5

Kinmerew iray tulong ed sika et nipaliis irad kaatapan; nanmatalekan da ka, et ag ira abaingan.

Saray Salmo 22:8

Kuanda, “Nanmatalek kad Katawan, Akin et ag to ka ilaban? No talagan inaro to ka, akin et ag to ka tulongan?”

Saray Salmo 31:1

Onsisingger ak a papaiyagel ed sika, O Katawan; ag mo pan balut iyaabuloy a natalo ak. Matonung kan Dios, ilaban mo ak, pikasik ed sika!

Saray Salmo 31:15

Wala lawas ed limam so bilay ko, iliktar mo ak pad saray kalaban ko tan saray mamapairap ed siak.

Saray Salmo 31:2

Dengel mo ak pa! Ilaban mo ak la natan! Sika pa so salimbengan ko a mangyagel ed siak; sika pay tirinsirak a mangilaban ed siak.

Saray Salmo 34:8

Nengneng mon dili so ontan lan kaabigay Katawan. Maliket iray totoon onsasalimbeng ed sikato.

Saray Salmo 37:40

Tutulongan tan ililiktar to ra; iyaagel to rad totoon maoges, ta papaiyagel irad sikato.

Saray Salmo 41:11

Naamtaan ko a pakaliliketan mo ak, no ag ak taloen na saray kalaban ko.

Saray Salmo 56:1

Kasian mo ak pa, O Dios, ta dodogpaan da ak; ag ak totondaan a papairapen na saray kalaban ko.

Saray Salmo 7:1

Katawan a Dios ko, pasalimbengan ak ed sika; ilaban tan iyagel mo ak pad amin da ray mangoosil ed siak,

Saray Salmo 71:1

Katawan, sika so salimbengan ko; ag mo ak pan balut patatalo!

Saray Salmo 91:2

nayarian ton ibagad Katawan, “Sikay salimbeng tan manangyagel ko! Sikay Dios ko, sika so panmamatalekan ko.”

Saray Salmo 94:3

Kapigan so itonda na panggayaga da ray makasalanan? Kapigan, Katawan?

Isaias 26:3

Katawan, sika so mangiiter na nagnap a kareenan ed saray totoon mangyaapasakey na kanunotan dad sika, tan manmamatalek irad sika.

Isaias 28:16

Balet natan saya so kuan na Katawan a Dios; “Mangipapasen ak ed Sion na mabiskeg tan baleg a pundasion. Mangililira ak ed pundasion na baleg a baton suyok ya akapangisulatan na sarayan salita, ‘Maanos met so malet a pananisia.’

Isaias 37:10

na Juda tan inkuantod sulat to, “Ag ka palilingod imbaga na Dios a panmamatalkan mo, ya ag ka napelag ed silong na pakaoley ko.

Isaias 37:20

Kanyan natan, Katawan a Dios mi, iyagel mo kami pad saray taga Asiria, pian naamtaan na amin da ray bansa ed intiron mundo a bukbukor mo so Katawan a Dios.”

Isaias 37:35

Iyagel ko yan siudad lapud sikatoy pakagalangan ko tan lapud samay sipan kod kinen David ya aripen ko.’”

Isaias 41:16

Ibontuk yo ra ed tagey; ibatik ira na dagem, tan itaytayak ira na bagyo. Diad satan manliket kayo ta siak so Dios yo; idayew yo ak, say masanton Dios na Israel.

Isaias 49:23

Magmaliw a singa ama yo iray arari; magmaliw a singa ina yo iray riyna. Ondakmomo rad sikayo tan igalang da kayo; mapaabeba ran mangigalang ed sikayo. Naamtaan yod satan a siak so Katawan; ag nabaingan so siopaman a toon manalagar na tulong ko.”

Jeremias 17:18

Ipelag mo pad kababaingan iray mamapairap ed siak, balet ipaliis mo ak pa, Katawan. Patakot mo pa ra, balet ag mo ak tataktakoten. Iyakar mo pad sikaray deral tan mekmek mo ra.

Saray Taga Roma 10:11

Ta ibabagay Masanton Sulat, “Siopamay manisiad sikato, ag nabaingan.”

Saray Taga Roma 5:5

Sayan ilalo ag to pabeteley linawa tayo, ta inkalbo lay Dios so aro tod puso tayo diad panamegley na Ispiritu Santo ya inter tod sikatayo.

1 Pedro 2:6

Ta ibabagay Masanton Sulat, “Pinilik so sakey a mablin bato, ya ililirak a pundasion ed Sion; tan ag nabaingan so siopaman a manisiad sikato.”