Saray Salmo 24:3 - Maung A Balita Biblia

³ Siopay manepeg ya onkalab ed palandey na Katawan? Siopay nayarin onloob ed masanton Timplo to?

Maung a Balita Biblia

³ Siopay manepeg ya onkalab ed palandey na Katawan? Siopay nayarin onloob ed masanton Timplo to?

Saray Salmo 24:3 Iomraidhean Croise

1 Saray Awaran 15:1

Si David angipaalagey ed Siudad nen David na saray abung a para sikaton dili. Angiparaan met na pasen a para Kaban na Sipanan na Dios tan impaalageyan to na tulda.

Saray Salmo 15:1

Katawan, siopay nayarin onloob ed Timplom? Siopay nayarin mangigalang ed sika diad Sion, say masanton palandey mo?

Saray Salmo 2:6

“Pinayorung kon manoley so arik diad tapew na masanton palandey ko a Sion,” kuanto.

Saray Salmo 65:4

Maliket iray pipilien mo, saray iyaakar mon manayam ed santuariom. Napenek kamid saray maung a bengatlan walad abung mo, saray bindisioy masanton Timplom.

Saray Salmo 68:18

Onkakalab ed saray atagey a pasen, a sankaawit to ray amayamay a priso; mangaawat na saray rigalo da ray totoon mananumpa. Manayam diman so Dios a Katawan!

Ezekiel 44:5

et say Katawan kuantod siak, “Sika a toon ompatey, apiger mon imanoen ya amin iray nanenengneng tan narerengel mo. Ibagak ed sika iray totontonen tan saray ganggan a nipaakar ed Timplo. Apiger mon tandaan no siopa ray totoon nayarin onloob tan ompaway ed Timplo, tan ontan met no siopa ray ag naabuloyan ya onloob.

Ezekiel 44:9

“Siak a Katawan a Dios ibabawag ko ya ag onloob ed Timplok so siopaman a toon ag asegat a sangkaili, saray ag onoonur ed siak, anggan saray sangkailin manaayam ed kawalaan da ray totood Israel.”

Levitico 10:3

Insan inkuanen Moises ed kinen Aaron, “Sikato yay sasalitaen na Katawan nen inkuanto, ‘Amin da ray manlingkur ed siak nepeg a pagalangan day inkasantok; ipatnag kod saray totook so kagalangan ko!’” Balet ag inmesel si Aaron.

Malakias 3:1

Say Katawan a Makapanyarin-amin onebat, “Paonlaen koy ibabakik a mangiparaan na dalanen ko. Insan say Katawan ya anapen yo et biglan onsabi ed Timplo to. Onsabi so ibabaki a pampilpilalekan yon nanengneng tan ibawag toy sipanan ko.”

Juan 13:36

“Iner so laen mo, Katawan?” tinepet nen Pedro. Inmebat si Jesus, “Ag ka makaonla natan ed laen ko, balet ontombuk ka naanid siak.”

Juan 20:17

“Ag mo ak bebembenan,” kuanen Jesus ed sikato, “ta ag ak ni inmatagey a linmad Ama. Onla ka ingen ed saray agagik a lalaki tan ibagam ed sikara a kuanko, ‘Onatagey ak ya onlad Amak tan Ama yo, Dios ko tan Dios yo.’”

Saray Hebreo 12:28

Kanyan pisalamatan tayoy Dios, ta awaten tayoy nanarian ya ag nayegyeg. Misalamat tan mangigalang tayod Dios onung na pakaliketan to, a katekep na takot tan panamabli,