Saray Salmo 23:5 - Maung A Balita Biblia

⁵ Mangipaparaan kay ponsia a para siak, a pakanengnengan ed siak na saray kalaban ko; maliket so pangaawat mod siak, tan manlepwa so pamapanom na kupak.

Maung a Balita Biblia

⁵ Mangipaparaan kay ponsia a para siak, a pakanengnengan ed siak na saray kalaban ko; maliket so pangaawat mod siak, tan manlepwa so pamapanom na kupak.

Saray Salmo 23:5 Iomraidhean Croise

Say Libro nen Job 36:16

Nen saman say Dios inagwat to ka ed gunigon, tan pinaligen toy bilay mo; abunton na kakanen so lamisaan mo.

Saray Salmo 104:15

tan makapanggawa ray alak a pakaliketan da, larak na oliba a pakagayagaan da, tan tinapay a pakabiskegan da.

Saray Salmo 116:13

Mangyakar ak ed Katawan na bagat ya alak, a pisalamat kod impangilaban tod siak.

Saray Salmo 16:5

Sika, Katawan, so amin a kayaryan ko, iiter moy amin a nakakaukolan ko; walad sanduan limam so bilay kod arapen.

Saray Salmo 22:26

Saray mairap-bilay mangan iray labalabay da; saray ondaragod Katawan igalang da. Onaligwas ira komun ed ando lan ando!

Saray Salmo 22:29

Ondakmomod sikato iray amin a totoon mapaatagey; ondakmomod sikato iray amin a totoon manganggay bilay da.

Saray Salmo 45:7

papablien moy inkatonung tan bobosulen moy kaogsan. Kanyan say Dios, a Dios mo, pinili to ka tan initdan to kay liket a baleg nen say inter tod saray arum ya arari.

Saray Salmo 78:19

Nansalita ray sumpad Dios tan inkuanda, “Nayarian kasi na Dios so mangiter na kakanen diad kalawakan?

Saray Salmo 92:10

Pinabiskeg mo ak a singa kalakyan a bakad katakelan; binindisionan mo ak na liket.

Saray Salmo 92:11

Anengneng koy inkatalo da ray kalaban ko tan arengel koy tawag da ray totoon maoges.

Isaias 25:6

Diad Palandey na Sion say Katawan a Makapanyarin-amin et mangiparaan na baleg a ponsia a para saray bansa ed intiron mundo—sakey a ponsian sankananaman iray kakanen tan sankaabigan iray alak ya isaklang.

Amos 6:6

Saray bason ankabaleg so paniinoman yod saray alak tan sankabalingitan a pabalingit iray ipopoyuk yo, balet ag yo eermenan so kaderal na Israel.

Mateo 6:17

No manayuno ka, mandilamos tan mansagaysay ka,

Lucas 7:46

Ag mo anggan nilarakay olok, balet sayan bii pinoyukan to ray salik na pabalingit.

Juan 16:22

Ontan kayo met: maermen kayo natan, balet nanengneng ta kayo lamet, et napanoy liket so puso yo, liket ya anggapon balut so toon makaekal.

1 CORINTO 10:16

Aliwa kasin say iyiinom tayod kupa na bindision a pisasalamatan tayod Dios et pinanabang ed dala nen Cristo? Tan say papangan tayoy tinapay a pipisagen tayo et pinabang ed laman nen Cristo?

2 CORINTO 1:21

Ta say Dios so mamapaelet na pikakasakey mi tan sikayo ed Cristo. Say Dios met so amilid sikami.

TAGA-EFESO 3:20

Diad Dios a makagaway lalon dakdakel nen say nayarian tin kerewen tan nunoten, diad panamegley na pakayarin mankikimey ed sikatayo:

1 Juan 2:20

Balet amin yo amta yoy katwaan, ta niiter lay Ispiritu Santo ed sikayo.

1 Juan 2:27

Balet nipaakar ed sikayo, inter nen Cristo so Ispiritu tod sikayo. Dapot mansiansiay Ispiritu tod sikayo, ag yo nakaukolay siopaman a mangibangat ed sikayo. Say Ispiritu to so mangibangat ed sikayo na amin a bengatla, tan say katwaan so ibangat tod sikayo, aliwan say tila. Onur yo sirin so bangat na Ispiritu tan mansiansia kayod Cristo.