Saray Salmo 22:16 - Maung A Balita Biblia

¹⁶ Aliktub ak na saray totoon maoges, singa ra olup na saray ason ondodoklus ed siak; bibingkasen da ray limak tan saray salik.

Maung a Balita Biblia

¹⁶ Aliktub ak na saray totoon maoges, singa ra olup na saray ason ondodoklus ed siak; bibingkasen da ray limak tan saray salik.

Saray Salmo 22:16 Iomraidhean Croise

Saray Salmo 22:1

Dios ko, Dios ko, akin et inkaindan mo ak? Manay-ay ak a kinmerew na tulong, balet ag ni sinmabi.

Saray Salmo 22:20

Ilaban mo ak pad ispada; iliktar mo pad sarayan aso so bilay ko.

Saray Salmo 38:11

Ag ak la singgeran na saray kakaarok tan saray kakaabay ko, lapud saray girik; aarawian ak na anggan saray kabyangay pamilyak.

Saray Salmo 59:14

Nilabi-labin ompapawil iray kalaban ko, singa ra ason mandangul a liber-liber ed siudad;

Saray Salmo 59:6

Nilabi-labin ompapawil ira; singa ra ason mandangul a liber-liber ed siudad.

Saray Salmo 86:14

O Dios, ondadagon onsumpad siak iray mapaatagey a totoo; labay ak a pateyen na sakey ya olup na totoon maruksa, totoon ag mangitaltalek ed sika.

Isaias 53:5

Balet asugat-sugat lapud saray kasalanan tayo, apekpekpek lapud saray kaogsan a ginagawa tayo. Apaabig itayo lapud dusan nilikna to; lapud saray siplat a dinmadapod laman to pinmawil so gendat a biskeg tayo.

Jeremias 12:6

Anggan saray agagim a lalaki, saray kabyangay boleg mo et nantraidoran da ka; manggagampi rad idogpa rad sika. Ag mo ra panmamatalkan, anggaman a maabig so panagsalita rad sika.”

Zacarias 12:10

“Panoen ko na ispiritu na panangasi tan ispiritu na pikakasi iray kabyangay boleg nen David tan saray arum a totoo ed Jerusalem. Onnengeng irad sakey a dinoyuk da, tan ermenan da a singa ra saray maneermen ed saksakey ya anak. Mapalaloy panermen da a singa ra saray maneermen ed impatey na panguloan ya anak a laki.

Mateo 26:57

Saramay angerel ed kinen Jesus inyakar dad abung nen Caifas a Pangulon Pari, a nantitiponan da ray iskriba tan saray mamatakken na baley.

Mateo 27:35

Impasak dad krus tan, kayari ran nampapalaranan iray kawes to, inapag da.

Mateo 7:6

“Ag yo iiter ed saray aso so bengatlan masanto, ta poliktaran tan ketketen da kayo. Ag yo met ibabantak ed saray baboy iray alahas yo, ta gatingatinan da ra labat.”

Marcos 15:24

Impasak dad krus, tan inapag da ray kawes to kayari ran nampapalaranan, pian naamtaan da no dinay betang na sakey tan sakey ed sikara.

Lucas 23:23

Balet lalon inkasikasil dan ineyag a nepeg ya ipasak ed krus si Jesus. Diad kaonuran, analoy impaneeyag da.

Lucas 23:33

Nen sinmabi rad pasen a tatawagey “Lapis-lapis na Olo,” diman da impasak ed krus si Jesus. Impasak da met ed sansakey a krus ira may duaran kriminal, say sakey diad nikawanan tan say sakey diad nikawigi nen Jesus.

Juan 19:23

Nen impasak la na saray sondalo si Jesus, inala ray kawes to tan impankapat na apatiran sondalo. Inala da met so tunika to ya intiron inabel tan anggapoy nansaipan to.

Juan 19:34

Balet dinoyuk na sakey a sondalo so diking nen Jesus, tan inmagos a tampol so dala tan danum.

Juan 19:37

Imbaga nid sakey a pasen na Masanton Sulat, “Nengnengen na totoo so dinoyuk da.”

Juan 20:25

Kanyan inkuanda ray disipulo ed sikato, “Anengneng miy Katawan!” Inkuanen Tomas ed sikara, “No ag ko nanengneng so bakat na pasak ed saray lima to, no ag ko nitobung so tamorok ed tinalus na saray pasak, tan ag ko niseksek so limak ed diking to, ag ak manisia.”

Juan 20:27

Insan to inkuan ed kinen Tomas, “Itobung mo dia tay tamorom tan nengneng mo ray limak. Iyonat mo tay limam tan iseksek mod diking ko. Ag ka manduaduaruwa, no ag ingen manisia ka la!”

FILIPOS 3:2

Manalwar kayod saray totoon singa asoy ogali ra; labalabay day manggaway kaogsan tan ipapasoot dan gergerey laman.

Puyan 22:15

Balet natilak ed paway na siudad iray marotak so panagbilay da, saray managanito, saray managkasalanan na inmoralidad, saray managpatey na too, saray manangigalang ed saray talintaoy diriyos, tan saray matitila diad salita tan gawa.