Saray Salmo 22:10 - Maung A Balita Biblia

¹⁰ Sinmaral ak ed sika nanlapu lad inkianak ko, tan sika lawas so Dios ko.

Maung a Balita Biblia

¹⁰ Sinmaral ak ed sika nanlapu lad inkianak ko, tan sika lawas so Dios ko.

Saray Salmo 22:10 Iomraidhean Croise

Isaias 49:1

Dengel kayod siak, sikayon arawin bansa, sikayon totoon manaayam ed arawin lugar! Kasakbayan na inkianak ko, pinili ak la na Katawan tan tinoro to ak a magmaliw ya aripen to.

Jeremias 1:5

“Kasakbayan ta kan initday bilay pinili ta ka la, tan kasakbayay inkianak mo, pinili ta kan magmaliw a propita ed saray bansa.”

Lucas 2:40

Binmaleg imay ogaw tan nagmaliw a mabiskeg, napnoy kakabatan, tan inararoy Dios.

Lucas 2:52

Binmaleg si Jesus, binmaleg met so kakabatan to, tan say panangaroy Dios tan saray totoo ed sikato.

Juan 20:17

“Ag mo ak bebembenan,” kuanen Jesus ed sikato, “ta ag ak ni inmatagey a linmad Ama. Onla ka ingen ed saray agagik a lalaki tan ibagam ed sikara a kuanko, ‘Onatagey ak ya onlad Amak tan Ama yo, Dios ko tan Dios yo.’”

TAGA GALACIA 1:15

Balet lapud baleg a panangaroy Dios, pinili to ak la kasakbayan na inkianak ko, tan tinawag to ak a magmaliw a kumikimey to.