Saray Salmo 22:1 - Maung A Balita Biblia

¹ Dios ko, Dios ko, akin et inkaindan mo ak? Manay-ay ak a kinmerew na tulong, balet ag ni sinmabi.

Maung a Balita Biblia

¹ Dios ko, Dios ko, akin et inkaindan mo ak? Manay-ay ak a kinmerew na tulong, balet ag ni sinmabi.

Saray Salmo 22:1 Iomraidhean Croise

Say Libro nen Job 3:24

Ag ak mamangan lapud ermen ko; ag ontonday panay-ay ko.

Saray Salmo 10:1

Katawan, akin et arawdawi ka? Akin et onaamut ka no nagugunigon kami?

Saray Salmo 16:1

Iyagel mo ak pa, O Dios, ta onsasalimbeng ak ed sika.

Saray Salmo 22:11

Ag mo ak pa aarawian! Asingger lay gunigon, et anggapoy arum ya ontulong ed siak.

Saray Salmo 22:16

Aliktub ak na saray totoon maoges, singa ra olup na saray ason ondodoklus ed siak; bibingkasen da ray limak tan saray salik.

Saray Salmo 26:9

Ag mo ak pa pidudusad saray makasalanan; ipaliis mo ak pad pansumpalan da ray managpatey na too—

Saray Salmo 37:28

ta say Katawan inaro toy kaptekan, tan ag to ikakaindan iray matoor a totoo to. Iyaagel to ra lawas, balet saray kabyangay boleg na totoon maoges et napagit ira.

Saray Salmo 38:8

Makapkapoy ak tan agaylay kesaw ko; nagugunigon ak tan manay-ay ak lad sakit.

Saray Salmo 71:11

Kuanda, “Inkaindan la na Dios! Osilan tayon erelen, ta anggapoy mangyagel ed sikato.”

Isaias 46:13

Papaasinggeren koy agew na pananalo— aliwa lan arawi lamlamang. Ag la naabala so panalok. Ilaban ko so Jerusalem tan iter kod man so kagalangan na Israel.”

Isaias 59:11

Ataktakot tan maerermen itayo. Pampipirawatan tayon say Dios ilaban to itayod kakairapan tan kalalames tayo, balet anggapoy naalagar tayo.

Levitico 2:6

Pingpinglisen insan patoroan na larak no iyapay a sakey a bagat.

Mateo 27:46

Nen sakey ya alas tris ed ngarem, inmeyag si Jesus na makmaksil, “Eli, Eli, lema sabachthani?” a labay ton ibaga, “Dios ko, Dios ko, akin et inkaindan mo ak?”

Marcos 15:34

Diad alas tris, inmeyag si Jesus na makmaksil, “Eloi, Eloi, lema sabachthani?” a labay ton ibaga, “Dios ko, Dios ko, akin et inkaindan mo ak?”

Lucas 22:44

Ontan lay inkagunigon to, kanyan lalon masimoon so impampikasi to. Singa dala so linget ton tinmerter ed dalin.

Lucas 24:44

Insan inkuantod sikara, “Sikara yay sinalitak ed sikayo nen kaibiba ta kayo ni. Imbagak ed sikayon nepeg a nasumpal ya amin iray nisulat nipaakar ed siak diad Ganggan nen Moises, diad saray sulat da ray propita, tan diad saray Salmo.”

Saray Hebreo 13:5

Nepeg ya aliwa kayon lupay kuarta, tan pasarag yoy walad sikayo. Ta inkuay Dios, “Ag ta kan balut paolyan o taynan.”

Saray Hebreo 5:7

Nen mambibilay ed tapew na dalin si Jesus, inakis tan ineyag toy impankerew tan impampikasi tod Dios a makapangilaban ed sikato ed patey. Lapud nagnap a mapaabeba, dinengel na Dios.

1 Samuel 12:22

Sinambaan na Katawan ya ag to kayo ikaindan, ta ginetma to lan pagmaliwen kayo a totoo to.