Saray Salmo 20:3 - Maung A Balita Biblia

³ Awaten to komun ya amin iray isaklang mo tan napaliket ed amin da ray ibagat mo.

Maung a Balita Biblia

³ Awaten to komun ya amin iray isaklang mo tan napaliket ed amin da ray ibagat mo.

Saray Salmo 20:3 Iomraidhean Croise

Genesis 4:4

Insan angyakar met si Abel na kordiron besag na sakey ed saray karniro to, pinatas to, tan imbagat to ray sankaabigan a parti. Akaliket so Dios ed kinen Abel tan samay bagat to,

1 Saray Awaran 21:26

Insan nanggaway altar a para Katawan tan angisaklang na saray bagat a popoolan tan saray bagat a para kareenan. Nampikasi, et inebatan na Katawan diad panamegley na impangibaki toy apoy a nanlapud tawen ya amool ed saramay imbagat ed tapew na altar.

2 Saray Awaran 7:1

Nen asumpal nen Solomon so pikakasi to, pinmelag a nanlapud tawen so apoy tan pinoolan to ray bagat ya insasaklang. Insan say Timplo napno na kagalangan na Katawan.

Saray Salmo 128:5

Manlapud Sion, bindisionan ka komuy Katawan! Nanengneng mo komuy iyaligwas na Jerusalem legan mon mambilay!

Saray Salmo 134:3

Say Katawan ya amalsay tawen tan dalin, et bindisionan to kayo komun manlapud Sion!

Saray Salmo 51:19

Diad ontan, manliket kad saray manepeg a bagat tan saray bagat min popoolan; et saray bakan kalakyan so nibagat ed tapew na altar mo.

Isaias 60:7

Amin da ray karniro ed Kedar tan Nebayot Niakar iran para bagat ed sika Tan nibagat irad altar a pamaliket ed Katawan. Pagmaliwen na Katawan a lalon mapagalang so Timplo to.

Levitico 9:24

Kabebekta say Katawan angipelag na apoy, tan inoput ton pinoolan imay bagat a popoolan tan saramay taba ed tapew na altar. Nen anengneng ya na saray totoo, inmeyag iran amin tan dinmakmomo ra ya anggad dalin.

Saray Gawgawa 10:4

Ninengneng ton maung imay anghil tan agaylay takot ton inmebat, “Antoman?” Inmebat imay anghil, “Binirbir na Dios so panagpikasim tan panagtulong mod kaparam a too, tan anunotan to ka.

TAGA-EFESO 5:2

Mambilay kayon maaro a singa si Cristo; lapud panangaro tod sikatayo, inter ton para sikatayo so bilay to, sakey ya ambalingit a bagat tan rigalo a makapaliket ed Dios.

1 Pedro 2:5

Singger kayon singa mabilay iran bato, tan paikana kayo ed panggaway maispiritun timplo. Magmaliw kayon masanto a papari ed sayan timplo tan mangyapay kayoy maispiritu tan makapaliket iran bagat ed Dios diad panamegley nen Jesu-Cristo.