Saray Salmo 2:2 - Maung A Balita Biblia

² Saray arari ra milalaban ira, saray manoley da mankokomplut ira sumpad Katawan tan say pinili ton ari.

Maung a Balita Biblia

² Saray arari ra milalaban ira, saray manoley da mankokomplut ira sumpad Katawan tan say pinili ton ari.

Saray Salmo 2:2 Iomraidhean Croise

Saray Salmo 110:5

Say Katawan et walad nikawanan a diking mo; taloen to ray arari no sikato lay mamasnuk.

Saray Salmo 2:10

Kanyan natan dengel yo yan pasakbay, sikayo ran arari; manalwar kayo, sikayo ran manoley:

Saray Salmo 45:7

papablien moy inkatonung tan bobosulen moy kaogsan. Kanyan say Dios, a Dios mo, pinili to ka tan initdan to kay liket a baleg nen say inter tod saray arum ya arari.

Saray Salmo 48:4

Nantitipon iray arari tan dinmago ran dinmogpa ed Palandey na Sion.

Saray Salmo 48:5

Balet kanengneng da nikelawan ira; ataktakot tan kibatiktik ira.

Saray Salmo 74:18

Balet, Katawan, nunot mo a babalawen da ka na saray kalaban mo; totoo ran anggapoy Dios tan lelemlemewen da ka.

Saray Salmo 74:23

Ag mo pa lilingwanan so paneeyag da ray kalaban mo, say ag manondan paniingal da ray kalaban mo.

Saray Salmo 83:6

saray totood Edom tan saray Ismaelita; saray taga Moab tan saray Agareno;

Saray Salmo 89:20

Ginawak ya ari si aripen kon David diad panamegley na impanlanak ed sikato na masanton larak.

Exodo 16:7

Diad kabwasan nanengneng yoy kagalangan na Katawan. Nadngel to ray riklamo yo a sumpad sikato—on, sumpad sikato, ta susumpalen mi labat iray bilin to.”

Probirbio 21:30

Anggapoy kakanaay kakabatan, pakatalus, tan say pakaamta na too, no sumpa so Katawan ed sika.

Isaias 61:1

Say Katawan a Dios pinano to ak na ispiritu to. Pinili to ak tan imbaki to ak A mangibagad saray mairap-bilay na maung a balita. Mamaabig ed saray maermen, Mangibawag na kawayangan ed saray adakep Tan mangibolus ed saray priso.

Mateo 2:16

Nen akabatan nen Herodes a niluko na saramay makakabat a totoo, agaylay pasnuk to. Lapud petang na olo to, ingganggan to a pateyen iray ogogaw a lalaki ed Betlehem tan diad saray kaliber-liber a pasen. Impapatey to ray amin ya ogogaw a lalaki, manlapud duay taon a mampaleksab, onung ed panaon na inletaw na bitewen a naamtaan tod saramay makakabat a totoo.

Mateo 26:3

Saray manonan papari tan saray mamatakken na baley nantitipon irad palasio nen Caifas, a Pangulon Pari.

Mateo 26:59

Ginawa na saray manonan papari tan amin a kabyangay Sanidrin so anggaay nayarian da a mananap na ipakasalanan dad kinen Jesus, pian napapatey da.

Mateo 27:1

Kasabiy kabwasan, nantotongtongan na amin a manonan papari tan saray mamatakken na baley no panoy pamatey dad kinen Jesus.

Lucas 13:31

Sinmabi met ed saman ya oras iray pigaran Pariseo tan inkuandad kinen Jesus, “Taynan ka dia, ta labay to kan papatey nen Herodes.”

Juan 1:41

Arumog ton tampol si agi ton Simon, tan kuanto, “Arumog miy Misias!” (“Cristo” so kabaliksan to ya.)

Juan 15:23

Say mambosul ed siak, bosulen to met so Amak.

Juan 3:34

Ta say imbakiy Dios ipulong toy salitay Dios, ta ag nasabsabaay pangiter na Dios ed sikato na Ispiritu.

Saray Gawgawa 10:38

Amta yo no panoy impangiter na Dios ed kinen Jesus a taga Nazaret na Ispiritu Santo tan say pakayari. Nililiber ton amiy pasen, nanggagaway kamaungan tan nampapaabig ed saray papairapey dimonyo, ta say Dios walad sikato.

Saray Gawgawa 9:4

Apaktak tan nipasobsob ed dalin, insan nadngel toy bosis a nankuan ed sikato, “Saulo, Saulo, akin et papairapen mo ak?”

Saray Hebreo 1:9

Inarom so kaptekan, balet kabosul moy kaogsan; kanyan say Dios a Dios mo pinili to ka, tan initdan to kay liket na kagalangan, a lalon baleg nen say inter tod saray kakaibam.”