Saray Salmo 19:9 - Maung A Balita Biblia

⁹ Maung so pangigalang ed Katawan; mansiansia ed anggad angga. Matonung so pananintinsiay Katawan, tan maptek lawas.

Maung a Balita Biblia

⁹ Maung so pangigalang ed Katawan; mansiansia ed anggad angga. Matonung so pananintinsiay Katawan, tan maptek lawas.

Saray Salmo 19:9 Iomraidhean Croise

Genesis 22:12

“Ag mo didiwiten itay ogaw o panggawaan na antokaman,” inkuanto. “Amtak natan ya oonuren tan gagalangen moy Dios, ta ag mo insiblet ed siak so bogbogtung ya anak mo.”

Genesis 42:18

Diad kumatlon agew, inkuanen Jose ed sikara, “Sakey ak a toon walay takot tod Dios, kanyan ag ta kayo papatey no gawaen yoy ibagak.

1 Saray Arari 18:12

Antoy amtak no kataynan ko dia et awiten ka na ispiritu na Katawan ed pasen ya anggapoy mikabat? Insan mo ibagak ed kinen Acab a wadya ka tan ag to ka narumog, pateyen to ak. Nepeg mon nunoten a gagalangen koy Katawan nanlapu lad impanogaw ko.

Nehemias 5:15

Makapabelat ed saray totoo iray amin a gobirnador ya akaonan nanoley nen say siak, lapud kinaukolan da a niiter ed sikaran inagew-agew so apataplon kuartan pilak ya isaliw da na tagano tan alak. Pinapairap na anggan saray katulong da iray totoo. Balet domay impanoley ko, lapud walay takot kod Dios.

Saray Salmo 10:5

Maaligwas so pansusumpalay amin a gagawaen na toon maoges. Ag to natatalusan iray sintinsiay Dios; eelek-elekan to ray kalaban to.

Saray Salmo 111:10

Say pangigalang ed Katawan so gapo na kakabatan; iitdan to na pakatalus iray mangoonur na ganggan to. Nepeg ya idayew ed ando lan ando so Katawan.

Saray Salmo 115:13

Bindisionan ton amin iray manangigalang ed sikato, atagey man o abeba so kipapasen da.

Saray Salmo 119:1

Maliket iray totoon anggapoy pakabalawan ed panagbilay da, saray mambibilay onung ed ganggan na Katawan.

Saray Salmo 119:106

Tooren ko so sinambaan ko, ya onuren ko ray maptek a bilibilin mo.

Saray Salmo 119:111

Andi-anggaan a tawir ko iray ganggan mo; sikaray liket na pusok.

Saray Salmo 119:142

Mansiansia ya anggad angga so inkatonung mo, tan tua lawas so ganggan mo.

Saray Salmo 119:39

Ipaliis mo ak pad saray panamabaing a tatakotan ko; makapakelaw a tuloy iray sintinsiam!

Saray Salmo 119:62

Diad pegley-labi onliliing ak, a mangidayew ed sika lapud saray maptek a sintinsiam.

Saray Salmo 119:7

Legan kon aaralen iray matonung a sintinsiam, idayew ta ka diad panamegley na malinis a pusok.

Saray Salmo 119:75

Amtak, Katawan, a maptek iray sintinsiam; amtak met a dinusa mo ak ta matoor ka.

Saray Salmo 12:7

Amin a sokung na mundo et kawalaay maoges iran totoo, tan balang sakey et ipapasirayew toy kaogsan to. Iyagel mo kami pa lawas, Katawan, ipaliis mo kami pad sarayan totoo.

Saray Salmo 147:19

Ibabaga tod saray totoo to so salita to; ipapaamta tod Israel iray bilin tan ganggan to.

Saray Salmo 36:1

Say kasalanan mansasalita ed otel na pusoy toon maoges; ipopolisay toy Dios tan ag to igagalang.

Saray Salmo 36:6

Say inkatonung mo et atagey a singa saray kapalandeyan, say kaptekan mo et singa kaaralem na dayat. Sika, Katawan, so mangaasikasod saray katoowan tan saray ayayep.

Exodo 21:1

“Iter mod saray Israelita iray onggendan a ganggan:

Probirbio 8:13

Say pangigalang ed Katawan kabaliksan toy iyarawid kaogsan; kabosul koy panagpaatagey tan panaglastug, say maoges a kagagawa tan saray salitan tila.

Isaias 26:8

Oonuren miy linawam tan manmamatalek kamid sika; sika labat so pampilpilalekan mi.

Isaias 45:19

Ag ak nansalita ed maamut odino inamut koy getmak. Ag ko imbagad saray totood Israel ya anapen da ak ed maamut a pasen. Siak so Katawan, sasalitaen koy katwaan; Ipapaamtak no antoy maptek.”

Saray Gawgawa 10:22

Inmebat ira, “Imbaki kami dia nen Kapitan Cornelio. Maung iman a too, manangigalang ed Dios, tan igagalang na amin a Judio. Imbagad sikato na sakey a masanton anghil a paawit to kad abung to, tan ondengel ed antokaman ya ibagam.”

Saray Taga Roma 11:22

Nanengneng mo diay panangasi tan kinasebeg na Dios. Masebeg ed saray ag manisiad sikato, balet mapangasid sika no mansiansia kad panangasi to. Balet no andi, napoter ka met.

Saray Taga Roma 2:2

Amta tayo a say Dios maptek so panagsintinsia to ed saray totoon manggagawa ed saraya.

Deuteronomio 4:8

Anggapoy arum a bansa, anggan anto lay pakapanyari to, a walaan na saray ganggan a matonung a singa saray ganggan ya imbangat ko natan ed sikayo.

Puyan 15:3

Kakantaen day kanta nen Moises, ya aripey Dios, tan say kantay Kordiro: “Katawan a Dios a Makapanyarin-amin matalonggaring tan makapakel-kelaw iray gawgawam! Ari da ray bansa, saray dalan mo maptek tan tua ra!

Puyan 16:7

Insan nadngel koy bosis a nanlapud altar ya inkuanto, “Katawan a Dios a Makapanyarin-amin, talagan matonung tan tua ray sintinsiam!”

Puyan 19:2

Matonung tan tua ray sintinsia to! Dinusa toy makapanyarin marotak a biin mangikakayat na kaogsan ed dalin, lapud pankakasalanan toy inmoralidad. Say Dios dinusa to, lapud impamatey tod saray aripen na Katawan.”

1 Samuel 12:24

Takotan yoy Katawan, tan matoor so panlingkur yod sikato diad intiron puso yo. Ag yo lilingwanan iray makapakelaw a ginagawa ton para sikayo.