Saray Salmo 18:8 - Maung A Balita Biblia

⁸ Pinmaway so asewek ed eleng to, pinmaway so manliub ya apoy tan mandarlang a ngalab ed sangi to.

Maung a Balita Biblia

⁸ Pinmaway so asewek ed eleng to, pinmaway so manliub ya apoy tan mandarlang a ngalab ed sangi to.

Saray Salmo 18:8 Iomraidhean Croise

Genesis 19:28

Inosdungan to ray siudad na Sodoma tan Gomorra tan samay intiron patar, et anengneng ton manlalapud man so asewek, a singa asewek a manlalapud baleg ya ornowan.

Say Libro nen Job 41:19

Ompapaway ed sangi to so manliub ya apoy, tan mantikyab iray talagsik ya amayamay.

Saray Salmo 104:32

Onnenengneng ed dalin so Katawan, et onggigiwgiw; didiwiten to ray kapalandeyan, et onaasewek ira.

Saray Salmo 11:6

Ipepelag toy ngalab tan mandarlang ya asupri ed saray totoon maoges; dusaen to ra na makasinit a dagem.

Saray Salmo 21:9

No onpatnag so Katawan, singa manliub ya apoy a mangoput ed sikara. Lapud pasnuk to akmunen to ra, tan oputen ira na apoy.

Saray Salmo 50:3

Onsasabiy Dios tayo, balet aliwan mareen; walay manliub ya apoy ed arap to tan mabiskeg a bagyo ed kaliber-liber to.

Saray Salmo 74:1

O Dios, akin et onyay impangikaindan mod sikami? Ag manganggay pasnuk mod saray dilin totoom?

Isaias 24:18

Siopamay nibatikan toy pakataktakotan napelag ed abut, tan siopamay napaliisan toy abut naerel ed patit. Onoran na mapmaples tan nagalaw iray pundasion na dalin.

Daniel 7:10

tan panlalapwan na managagos ya apoy. Libo-libon totooy wadman a manlilingkur ed sikato, tan manalalagey ed arap to iray milyon a totoo. Ginmapo la so bista, tan alokasan iray libro.

Levitico 10:2

Kabebekta say Katawan angipelag na apoy tan pinoolan to ra ya anggad ag da impatey ed arap to.

Amos 4:11

“Dineral ta kayo a singa impaneral kod saray baley na Sodoma tan Gomorra. Sikayo ran akapaliis ed patey et aliling yoy mandarlang a bislak a nipaliis ed pool. Balet siansian ag kayo pinmawil ed siak,” kuay Katawan.

Saray Bilang 11:1

Saray totoo nanriklamo ra ed Katawan nipaakar ed saray gunigon da. Nen nadngel na Katawan so riklamo ra, akapasnuk tan angibaki na apoy ed saray totoo. Pinmool ed pegley da tan dineral toy sakey a samput na kampo.

Saray Bilang 16:35

Insan say Katawan angipelag na sakey a manliub ya apoy tan pinoolan to ra may duanlasus tan limamplon lalaki ya angyapay na insinso.

Deuteronomio 29:20

Say Katawan ag to pirdonaen itan a too. Ingen say mandarlang a pasnuk na Katawan et onliub a sumpad sikato, tan amin a samba a nisulat ed sayan libro et ompelag ed sikato ya anggad sigput a naoput na Katawan.

Puyan 11:5

No walay manalin mamasakit ed sikara, ompaway ed sangi ra so apoy a mangoput ed saray kalaban da. Diad onya ompatey so siopaman a manalin mamasakit ed sikara.