Saray Salmo 18:2 - Maung A Balita Biblia

² Say Katawan so manangilaban ko; sikatoy mabiskeg a tirinsirak. Say Dios ko so manangyagel ko; tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan.

Maung a Balita Biblia

² Say Katawan so manangilaban ko; sikatoy mabiskeg a tirinsirak. Say Dios ko so manangyagel ko; tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan.

Saray Salmo 18:2 Iomraidhean Croise

2 Samuel 22:3

Say Dios ko so manangyagel ko, tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan. Sikatoy manangilaban ko; iyaagel to ak ed antokaman a maoges ya onsabid siak.

Saray Salmo 116:1

Inarok so Katawan, ta derengelen to ak; derengelen to ray pikakasik.

Saray Salmo 132:17

Diak gawaen a matalonggaring ya ari so sakey ed saray anak nen David; diak pagnayonen so oley na pinilik ya ari.

Saray Salmo 144:2

Sikatoy manangyagel ko tan tirinsirak sikatoy salimbeng ko tan manangilaban ko, sikatoy samper a panmamatalkan ko pian niarawi ak ed kaatapan. Tataloen to ray bansan walad silong na pakaoley ko.

Saray Salmo 19:14

Makapaliket komun ed sika iray salitak tan saray kanunotan ko, O Katawan a salimbengan ko tan mananondon ko!

Saray Salmo 28:1

Ontatawag ak ed sika, Katawan, a manangyagel ko. Dengel mo ak pa! No ag mo ak ebatan, magmaliw ak a sakey ed saray totoon onlalasur ed pasen a panaayaman da ray inaatey.

Saray Salmo 59:11

Ag mo pa ra papateyen, O Dios, ta ompan makalingwan iray totook. Buyak mo pa ra diad panamegley na pakayarim tan talom ira, Katawan a manangyagel mi.

Saray Salmo 62:2

Sikato labat so mangyaagel tan mangilalaban ed siak; sikatoy manangyagel ko, et ag ak balut natalo.

Saray Salmo 62:7

Walad Dios so kilalaban tan kagalangan ko; sikatoy mabiskeg a manangyagel ko; sikatoy salimbeng ko.

Saray Salmo 75:10

Poteren toy pakayari da ray totoon maoges, balet naaruman so pakayari da ray matonung.

Saray Salmo 91:2

nayarian ton ibagad Katawan, “Sikay salimbeng tan manangyagel ko! Sikay Dios ko, sika so panmamatalekan ko.”

Saray Salmo 91:4

Sayakopen to kad saray payak to; arawi kad kaatapan diad silong na panangasikaso to; iyagel tan ilaban ka na inkatoor to.

Exodo 15:2

Say Katawan so mabiskeg a manangyagel ko; sikato so angilaban ed siak. Sikatoy Dios ko, sikatoy idayew ko, sikatoy Dios di amak, tan ikantak so nipaakar ed inkatalonggaring to.

Probirbio 18:10

Say Katawan et singa mabiskeg a torin nasalimbengan na saray totoon matonung, pian niarawi rad kaatapan.

Probirbio 2:7

Tutulongan tan iyaagel to so matonung, tan iyaagel tod kaatapan iray maptek so panagbilay da.

Isaias 32:2

Balang sakey ed sikara et magmaliw a singa sakey a salimbeng no panaoy maragem tan sakey a pasen ya amutan no walay bagyo. Magmaliw iran singa kolus a managagos ed sakey ya amagamagan pasen, tan sakey a sirum ed petek na balbaleg a bato ed kinmelang a dalin.

Jeremias 16:19

Katawan, sika so mangyaagel ed siak, tan mangiiter na biskeg ko; tutulongan mo ak no panaon na gunigon. Onlad sika ray bansan nanlapud nandoroman sokung na mundo tan ikuanda, “Tila-tilan diriyos labat so walad saray lalaki mi; anggapo lay arum no ag ta saray andi-kakanaan a talintaoy diriyos.

Saray Hebreo 2:13

Inkuanto met, “Manmatalek ak ed Dios.” Inkuanto ni, “Wadya ak a kaibak iray anak ya inter ed siak na Dios.”