Saray Salmo 18:15 - Maung A Balita Biblia

¹⁵ Pinmaway so dalem na dayat tan alokasan iray pundasion na mundo, nen nampasnukan mo ray kalaban mo, Katawan, tan ineyagan mo ray maksil lapud sanuk mo.

Maung a Balita Biblia

¹⁵ Pinmaway so dalem na dayat tan alokasan iray pundasion na mundo, nen nampasnukan mo ray kalaban mo, Katawan, tan ineyagan mo ray maksil lapud sanuk mo.

Saray Salmo 18:15 Iomraidhean Croise

2 Samuel 22:16

Pinmaway so dalem na dayat, tan alokasan iray pundasion na mundo, nen nampasnukan na Katawan iray kalaban to, tan ineyagan to ray maksil lapud sanuk to.

2 Saray Arari 19:7

Parengelan na Katawan so impirador na balbalitan makasengeg na pawilan tod dilin bansa to, tan diman papatey na Katawan.”

Say Libro nen Job 36:32

Sisingkaten to so kirmat, tan igaganggan ton kenaen to so labay to.

Say Libro nen Job 4:9

Say Dios diad pasnuk to singa bagyon manderal ed sikara.

Saray Salmo 104:5

Malet so impangiletneg mod mundo diad saray pundasion to, et ag balut nagalaw.

Saray Salmo 106:9

Ginanggan toy Dayat ya Ambalanga, et minmaga; inwanwan ton binmaliw ed ekat iray totoo to.

Saray Salmo 144:6

Pakirmat mo pay tawen tan buybuyak mo ray kalaban mo; panam iray kalaban mo tan pabatik mo ra.

Saray Salmo 74:15

Pinapaagos mo ray sobul tan saray kolus; pinapaekat mo ray ankakabaleg ya ilog.

Saray Salmo 76:6

Nen nampasnukan mo ra, O Dios nen Jacob, atumtumban inaatey iray kabayo tan saray akakabayo.

Saray Salmo 77:18

Tinmolin-tolin so dalagurog na karul mo, tan niliwawaan na kirmat so intiron mundo; ayakayak tan ayegyeg so dalin.

Saray Salmo 92:10

Pinabiskeg mo ak a singa kalakyan a bakad katakelan; binindisionan mo ak na liket.

Exodo 15:8

Sinibukan mo so dayat, et nilusbo so danum; inmalagey a singa padir; inmawet so kaaraldaleman a dayat.

Isaias 11:4

onung ed kaptekan so panintinsia tod saray mairap-bilay, tan iyagel to ray katonungan da ray pakaskasi. Diad ganggan to nadusa ray katoowan, tan ompatey iray totoon maoges.

Isaias 30:33

Abaybayag la a niparaan so sakey a pasen a walay baleg ya apoy a mamool ed ari na Asiria. Aralem yan pasen tan maawang tan atagtagey so nibonton a kiew. Isibuk na Katawan so singa onaagos ya apoy a mamool ed samay kiew.

Jeremias 31:37

No nasukat so tawen, tan nasokait iray pundasion na mundo, ipolisay tod satan iray totood Israel, lapud amin a ginagawa ra. Say Katawan so nansalita.

Jonas 2:6

Linma ak ed kaoteotelan da ray kapalandeyan, diad dalin ya angga lad anggan akasara iray puirta to. Balet sika, Katawan a Dios, et inagwat mo ak a mabilay manlapud kaaralman.

Mikias 6:2

Sikayo ran kapalandeyan, sikayo ran andi-anggaan a pundasion na dalin, dengel yoy pangaakusa na Katawan! Say Katawan walay pangakusaan tod saray totoo to. Akusaen toy Israel.

Zacarias 9:14

Say Katawan ompanengneng ed tagey da ray totoo to; ibolus ton singa kirmat iray pana to. Say Katawan a Dios paknulen toy trumpita; manlapud abalaten manakar ed saray bagyo.

1 Samuel 7:10

Legan nen Samuel a mangibabagat, onaasingger iray Filisteo ya ondogpa, balet makmaksil a pinakarulan ira na Katawan. Agewgew ira, tan kibatiktik ira.