Saray Salmo 149:1 - Maung A Balita Biblia

¹ Idayew yoy Katawan! Kantaan yoy balon kanta so Katawan; idayew yo diad tipon da ray matoor a totoo to!

Maung a Balita Biblia

¹ Idayew yoy Katawan! Kantaan yoy balon kanta so Katawan; idayew yo diad tipon da ray matoor a totoo to!

Saray Salmo 149:1 Iomraidhean Croise

Saray Salmo 111:1

Idayew yoy Katawan! Diad tipon da ray matonung a totoo to misalamat ak ed Katawan ed intiron pusok.

Saray Salmo 116:18

Diad tipon da ray amin a totoom, diad Timplom ed Jerusalem, iter kod sikay insipan kod sika. Idayew yoy Katawan!

Saray Salmo 144:9

Kantaan ta kay balon kanta, O Dios; manogtog ak na arpa tan kantaan ta ka.

Saray Salmo 148:1

Idayew yoy Katawan! Manlapud tawen idayew yoy Katawan, idayew yo sikayon ran manaayam ed tagey.

Saray Salmo 22:22

Ibagak ed saray kadalaan ko no anto ray ginagawam; idayew ta kad ulopan da:

Saray Salmo 22:25

Idayew ta kad baleg ya olupan, lapud saray ginagawam; isaklang ko ray insipan kon bagat ed arap da ray mangigagalang ed sika.

Saray Salmo 33:3

Kantaan yo na balon kanta, apiapiger yon togtogen so arpa, tan iyeyag yoy liket yo!

Saray Salmo 35:18

Insan pisalamatan ta kad tipon da ray totoom; idayew ta kad arap dan amin.

Saray Salmo 68:26

“Idayew yoy Dios diad pantitipon da ray totoo to; idayew yoy Katawan, amin yon kabyangay boleg nen Jacob!”

Saray Salmo 89:5

Saray katawenan ikakanta ray makapakelaw a gagawaen mo, O Katawan; ikakanta na saray masantom so inkatoor mo.

Saray Salmo 96:1

Kantaan yoy balon kanta so Katawan! Kantaan yoy Katawan, amin yon katoowan ed tapew na dalin!

Saray Salmo 98:1

Kantaan yoy balon kanta so Katawan; nanggagaway makapakelkelaw iran bengatla! Lapud dilin pakayari tan masanton biskeg to, sikatoy analo.

Isaias 42:10

Mankanta kayoy balon kanta ed Katawan; ikantam so dayew to, o intiron mundo. Idayew yo, sikayon mambiabiahid dayat; idayew yo, amin yon pinalsa a walad dayat! Mankanta kayo, sikayo ran arawin dalin tan amin yon manaayam ditan!

Saray Hebreo 2:12

Inkuantod Dios, “Ibagak ed saray agagik no anto ray ginagawam; idayew ta kad olupan da.”

Puyan 5:9

Kinanta ra yan balon kanta: “Sikay manepeg a mangalay babasaen a nilokut tan mangekal ed saray timbri to. Lapud pinatey ka, tan diad panamegley na dalam, dinondon mon para Dios iray katoowan, a manlapud amin a boleg, salita, totoo, tan bansa.