Saray Salmo 148:8 - Maung A Balita Biblia

⁸ sikayon kirmat tan kristal, yilo tan lorem, sikayo ran mabiskeg a dagem a mangoonur ed ganggan to.

Maung a Balita Biblia

⁸ sikayon kirmat tan kristal, yilo tan lorem, sikayo ran mabiskeg a dagem a mangoonur ed ganggan to.

Saray Salmo 148:8 Iomraidhean Croise

Genesis 19:24

Kabebekta say Katawan pinaoran toy manliub ya asupri ed saray siudad na Sodoma tan Gomorra,

Say Libro nen Job 37:12

legan dan manaakar onung ed linawa na Dios. Susumpalen da ray amin a ganggan na Dios diad amin a pasen ed intiron mundo.

Saray Salmo 103:20

Idayew yoy Katawan, sikayo ran mabiskeg tan makapanyarin anghil a manusumpal na saray ganggan to tan onderengel na ibabaga to.

Saray Salmo 18:12

Pinmaway ed kirmat a walad arapan to iray kristal tan saray kidyam na apoy tan tinmalus irad makapal a lorem.

Exodo 10:13

Kanyan intoro nen Moises so baston to tan sanagew tan sanlabin pinasiplug na Katawan so dagem a nanlapud bokig. Diad kaimbwasan awit na dagem iray dorun.

Exodo 10:19

Say Katawan pinasiplug toy mabisbiskeg a dagem a nanlapud sagur; impalir na sayan dagem ira may dorun tan imbantak to ran amin ed Dayat ya Ambalanga. Anggapoy anggan sakey a dorun ya atilak ed intiron Egipto.

Exodo 14:21

Inyonat nen Moises ed dayat so lima to, et say Katawan pinapawil toy agos na dayat diad panamegley na mabiskeg a dagem a nanlapud bokig. Sanlabin sinmiplug so dagem, et nakatan so dayat. Apaldua so danum

Isaias 66:16

Diad panamegley na apoy tan ispada dusaen to ray amin a totood mundo a narumog ton walay kasalanan—amayamay ed sikaray napatey.

Joel 2:30

“Diad satan ya agew mangiter ak na saray tanda a nanengneng ed tawen tan diad tapew na dalin; wala so onagos a dala, apoy, tan makapakapal ya asewek.

Levitico 10:2

Kabebekta say Katawan angipelag na apoy tan pinoolan to ra ya anggad ag da impatey ed arap to.

Amos 4:13

Say Dios so nanggawad saray kapalandeyan tan pinalsa to so dagem. Ipapaamta tod too iray kanunotan to; pagmamaliwen ton labi so agew. Manaakar ed tapew na saray atatagey a pasen diad mundo. Saya so ngaran to: Yahweh a Dios a Makapanyarin-amin!

Amos 7:4

Walay sananey ya impasingayew ed siak na Katawan a Dios. Diad sayan pasingayew anengneng koy Dios a mampaparaan a dusaen tod pool iray totoo to. Pinoolan la na apoy so baleg a dayat ed dalem na dalin tan ginapwan to lan poolan so dalin.

Jonas 1:4

Balet say Katawan angibakid dayat na mabiskeg a dagem, tan diad gaway peles na bagyo ngalngali la nabuyak imay bapor a niloganan da.

Jonas 1:5

Ataktakot iray marinirod samay bapor, kanyan tinmawag na tulong ed nagsinagsin dios to so balang sakey ed sikara. Pian nalemewan ira imbabantak dad dayat iray karga ra. Legan to ya, linmad bandad dalem na bapor si Jonas, dinmokul, tan naogip na malmalet.

Saray Bilang 16:35

Insan say Katawan angipelag na sakey a manliub ya apoy tan pinoolan to ra may duanlasus tan limamplon lalaki ya angyapay na insinso.

Josue 10:11

Nen saray Amorreo et ibabatikan da ra may Israelitan sondalo, impepelag na Katawan ed sikara iray ankakabaleg ya oran a kristal ya anggad Azeka. Dakel niy apatey na oran a kristal nen say pinapatey da ray Israelita.

Puyan 16:21

Inmoran a nanlapud tawen na ankakabaleg a kristal a mambelat na ngalngalin limamplon kiloy sakey, tan apatpataan iray totoo. Lapud saya, inayew na saray totoo so Dios, ta makapataktakot yan salot!