Saray Salmo 147:8 - Maung A Balita Biblia

⁸ Itatayak tod tawen iray lorem; iitdan to na oran so dalin tan pababalegan tod kapokdulan iray karikaan.

Maung a Balita Biblia

⁸ Itatayak tod tawen iray lorem; iitdan to na oran so dalin tan pababalegan tod kapokdulan iray karikaan.

Saray Salmo 147:8 Iomraidhean Croise

Genesis 9:14

Kapag sakuban koy tawen na lorem tan onletaw so bunlalakaw,

Say Libro nen Job 5:10

Ipepelag tod dalin so oran a manalog ed kaalogan.

Saray Salmo 135:1

Idayew yoy Katawan! Idayew yoy ngaran to, sikayo ran aripen na Katawan,

Probirbio 27:25

Mansimbon kay dayami, tan mampalut kay dika ed saray alusadsar na pokdul legan ya ombabaleg iray onsoblay ya anien.

Isaias 5:6

Paolyan kon natuboan na saray dika. Ag ko potut-potutay sanga to odino bukalkalen so dalin, no ag ingen paolyan kon kobutan na ambabaing tan arum nin masabit a dika. Iganggan ko ni ingen iray lorem ya ag da terteran na oran.”

Jeremias 14:22

Anggapod saray diriyos na saray bansa so makapaoran; anggan say tawen ag to makapangipelag na mayamaya. Sikay paniilaloan mi, Katawan a Dios mi, ta sikay manggagawa na sarayan bengatla.”

Joel 2:23

“Manliket kayo, sikayon totood Sion, manliket kayod saray ginagawad sikayo na Katawan a Dios yo. Initdan to kayo na nagnap ya oran ed tiagew, impelag toy oran a para sikayo no panaoy ambetel tan pinaoran ton singa gendat no nepnep.

Mateo 5:45

pian nibilang kayon tuan anak na Ama yon walad tawen. Ta say agew to ipapasinag tod saray maoges tan diad saray maung a totoo, tan mangiiter na oran ed saray manggagaway kaogsan tan diad saray manggagaway kaabigan.

Saray Gawgawa 14:17

Balet ag tinmondan mangiter na pakabirbiran yod sikato, diad panamegley na kamaungan a gagawaen to. Iitdan to kayoy oran a manlalapud tawen tan maung a panagani ed niganan panaon to. Iitdan to kayoy nakan, tan papanoen toy liket iray puso yo.”