Saray Salmo 147:2 - Maung A Balita Biblia

² Say Katawan ipapaalagey to lamet so Jerusalem; papapawilen to ray Israelitan nibantak ed sananey a bansa.

Maung a Balita Biblia

² Say Katawan ipapaalagey to lamet so Jerusalem; papapawilen to ray Israelitan nibantak ed sananey a bansa.

Saray Salmo 147:2 Iomraidhean Croise

Nehemias 6:15

Kayariy impankimey a limamplo tan duay agew, asumpal so impamaalagey lamet ed padir nen kumaduamplo tan liman agew na bulan na Elul.

Nehemias 6:16

Nen nadngelan ya na saray kalaban mi ed kaliber-liber iran bansa, abirbir dan abaingan irad saray totoo, lapud amta na balang sakey ya asumpal so kimey lapud tulong na Dios.

Nehemias 7:4

Maawang so siudad na Jerusalem, balet daiset iray totoon manaayam diman, tan pigpigara ni ray nipaalagey a kaabungan.

Saray Salmo 102:17

Dengelen to ray nikaindan a totoo to tan ebatan toy pikakasi ra.

Saray Salmo 51:18

O Dios, kasian mo pay Sion tan tulongan mo; ipaalagey mo pa lamet iray padir na Jerusalem.

Isaias 14:32

Antoy iyebat mid saray nibakin nanlapud Filistia? Ibaga mid sikara ya inletneg na Katawan so Sion tan saray maniirap a totoo to et makalmo rad man na salimbeng.

Isaias 27:13

No onsabiy tan ya agew, nasibuk so trumpita a panawag ya ompawil iray Israelitan nibantak ed Asiria tan Egipto. Onsabi rad Jerusalem tan igalang dad may Katawan ed masanton palandey to.

Isaias 56:8

Say Katawan a Dios ya angisempet ed saray totoo ton Israel manlapud saray bansan nibantakan da et insipan to a pikasakeyen to nid sikara iray arum a totoo.

Isaias 62:7

Nepeg ya ag da pampapainawaen so Katawan anggad ipaalagey to lamet so Jerusalem, Tan gawaen ton siudad a dadayewen na intiron mundo.

Jeremias 31:10

Say Katawan kuanto, “Dengel yo ak, sikayo ran bansa, tan ibawag yod arawi ran gilig na dayat iray salitak. Inkaykayat ko ray totook, balet tiponen ko ra, bantayan ko ran singa pambabantay na pumapastol ed saray karniro to.

Jeremias 31:4

Pasimbaloen ko so kipapasen yo a totook. Alaen yo lamet iray tamborin yo tan maliket kayon mansayaw-sayaw.

Jeremias 32:37

Saray totoon inkaykayat kod saray bansa lapud petang na olok, pasnuk, tan sanuk kod sikara et tiponen ko ra, insan ipawil ko rad sayan pasen tan panayamen ko ra dian arawid kaatapan.

Ezekiel 38:8

Kalabas na amayamay a taon iganggan kon looban toy sakey a bansan saray totoo to et pinmawil iran nanlapud saray amayamay a bansa tan manaayam iran arawid kaatapay bakal. Looban to ray kapalandeyan na Israel ya abayag iran apaolyan tan ataynan, balet panaayaman la ra na amin da ray totoon arawid kaatapan.

Daniel 9:25

Amtaen tan talusan mo ya: Manlapud kipaakseb na ganggan a nipawil ed gendat a kipapasen so Jerusalem ya anggad isabi na pangulon pinili na Dios, mamimpiton pitoran taon so napalabas. Nipaalagey lamet so Jerusalem; nipawil iray dalan tan saray mabiskeg a tirinsira to, tan mansiansia ra ya a mamimpiton anemaplo tan duan taon, balet panaon ya na saray gunigon.

Mikias 4:6

“Onsabiy panaon,” kuay Katawan, “a tiponen kon pankakasakeyen iray totoon dinusak, saray nanliknay kairapan ed inkibantak dad arum a bansa.

Zacarias 8:7

Ilaban ko ray totook ed saray dalin ya akadakepan da,

Mateo 16:18

Kanyan kuankod sika: sakey kan baton-dampay, Pedro, tan diad tapew na sayan baton-dampay a pundasion, ipaalagey koy iglisiak ya ag taloen na anggan say pakayari na patey.

Deuteronomio 30:3

say Katawan a Dios yod satan et kasian to kayo. Papawilen to kayod dalin yo manlapud saray bansan angikayatan tod sikayo, tan paaligwasen to kayo lamet.