Saray Salmo 142:6 - Maung A Balita Biblia

⁶ Dengel mo pay ikekerew ko na tulong; ta linmereg ak ed kaermenan. Ilaban mo ak pad saray kalaban ko, ta mabiskeg iran tuloy nen siak.

Maung a Balita Biblia

⁶ Dengel mo pay ikekerew ko na tulong; ta linmereg ak ed kaermenan. Ilaban mo ak pad saray kalaban ko, ta mabiskeg iran tuloy nen siak;

Saray Salmo 142:6 Iomraidhean Croise

Saray Salmo 116:6

Say Katawan iyaagel to ray pakaskasi; nen wala ak ed kaatapan, inlaban to ak.

Saray Salmo 136:23

Ag to itayo nilingwanan nen atalo itayo; andi-anggaan so panangaro to;

Saray Salmo 143:3

Inosilan ak na kalaban ko, tan sigput to ak a tinalo. Impokuk to ak ed ambilonget a prisowan, tan singa ak saray inaatey lan abayag.

Saray Salmo 143:7

Ebatan mo ak pa la natan, Katawan! Naandi lan amiy ilalok! Ag mo ak pa iyaamutan, ta ompan sakey ak ed saray oonlad pasen a panaayaman da ray inaatey.

Saray Salmo 17:1

Katawan, dengel mo pay ikekerew koy katunongan; imanom pay ikekerew ko na tulong! Dengel mo pay pikakasik, ta ag ak mantitila.

Saray Salmo 18:17

Inyagel to ak ed saray makapanyarin kalaban ko, tan amin da ray mamobosul ed siak, Ta ag ko nayariay ontan lan inkabiskeg da!

Saray Salmo 27:13

Manisia ak a nanengneng ko so kaabigay Katawan diad sayan bilay.

Saray Salmo 3:1

Amayamay iray kalaban ko, Katawan dakerakel iray onsusumpad siak!

Saray Salmo 38:19

Saray kalaban ko et maabig so laman da tan mabiskeg ira; dakerakel iray mamobosul ed siak ya anggapoy makasengeg.

Saray Salmo 46:2

Kanyan ag itayo sirin ontakot, anggan nayegyeg so dalin, tan natumbad dayat iray kapalandeyan;

Saray Salmo 59:3

Nengneng mo! Tatalaranan da ak a pateyen; mantitipon ya onlaban ed siak iray maruksan totoo. Aliwan lapud kasalanan o kaogsan a ginawak,

Saray Salmo 79:8

Ag mo kami pa dudusaen lapud saray kasalanan da ray lalaki mi. Kasian mo kami pa natan; naandi lan amiy ilalo mi.

Saray Salmo 91:2

nayarian ton ibagad Katawan, “Sikay salimbeng tan manangyagel ko! Sikay Dios ko, sika so panmamatalekan ko.”

Saray Taga Roma 8:33

Siopay mangakusad saray totoon pinili na Dios, anta say Dios so amaandiy kasalanan da?

Saray Taga Roma 8:37

Andi! Sarasarag ti ra yan amin a taloen diad panamegley na Dios ya angarod sikatayo!

1 Samuel 24:14

Nengneng mo no siopay labay a pateyen na ariy Israel! Nengneng mo no siopay oosilan to! Sakey ya inatey ya aso, sakey a lies!