Saray Salmo 141:2 - Maung A Balita Biblia

² Awat mo pan singa insinso so pikakasik, tan saray akatagey a limak a singa bagat no labi.

Maung a Balita Biblia

² Awat mo pan singa insinso so pikakasik, tan saray akatagey a limak a singa bagat no labi.

Saray Salmo 141:2 Iomraidhean Croise

1 Saray Arari 18:36

Diad oras na panagbagat ed ngarem, inasinggeran nen Elias imay altar tan nampikasi, “O Katawan a Dios di Abraham, Isaac, tan Jacob, ipaamtam natan a sikay Dios na Israel, tan siak so aripen mo a nanggawad saya, lapud panangiganggan mo.

Esdras 9:4

Inmirung ak diman a maerermen ya anggad oras na panangisaklang na bagat ed labi. Legan kon akayurong minokut ak na amin da ray totoon ataktakot lapud imbaga na Dios na Israel nipaakar ed saray kasalanan da ray pinmawil ed Jerusalem.

Saray Salmo 134:2

Diad Timplo itagey yoy kalimaan yo a mampikasi, tan idayew yoy Katawan!

Saray Salmo 28:2

Dengel mo ak pa no onkerew ak ed sika na tulong, no iyatagey ko ray limak tan iyarap ko rad masanton Timplom.

Saray Salmo 5:3

dedengelen moy bosis ko no kabwasan; mikakasi ak ed sika no ompapaway lay agew, tan mantatalaran ak ed ebat mo.

Saray Salmo 63:4

Misalamat ak ed sika leleg kon mambibilay; itagey ko ray limak a mampikasid sika.

Exodo 29:39

Ibagat yod kabwasan so sakey a kordiro tan diad labi say sakey.

Exodo 35:15

say altar a panagpoolan na insinso tan saray tiken to; say panaglana a larak; say ambalingit ya insinso; say kurtina na lolooban na Tulda;

Probirbio 15:8

Makaliliket so Katawan no mampikasi iray totoon maptek, balet kabosul to ray bagat ya iyaakar ed sikato na saray totoon maoges.

Daniel 9:21

Legan kon mampipikasi, maples a tinmikyab ed kawalaan ko si Gabriel ya anengneng kod samay inmonan pasingayew ed siak. Oras lad saya na panangisaklang na bagat ed labi.

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Saray Bilang 16:35

Insan say Katawan angipelag na sakey a manliub ya apoy tan pinoolan to ra may duanlasus tan limamplon lalaki ya angyapay na insinso.

Saray Gawgawa 3:1

Nen aminsan ya alas tris ed ngarem, say oras na panagpikasi, linma ra di Pedro tan Juan ed Timplo.

1 Timoteo 2:8

Labay kon saray lalakid inerman a pasen et mampikasi ra, saray lalakin matoor ed Dios, anggapoy iirapen day linawa tan anggapoy kakolkol da.

Puyan 5:8

Nen nala to la, dinmakmomod arap na Kordiro ira may apatiran mabilay a pinalsa tan saramay duamplo tan apat a mamatakken. Sankabembenan na balang sakey ed sikara so arpa tan balituk iran yaung a napnoy insinso, a sikara yay pikakasi na saray totoo na Dios.