Saray Salmo 14:3 - Maung A Balita Biblia

³ Aliwa so nakar dan amin; nampapara ran maoges. Anggapod sikaray manggagaway kamaungan, anggapoy anggan sakey.

Maung a Balita Biblia

³ Aliwa so nakar dan amin; nampapara ran maoges. Anggapod sikaray manggagaway kamaungan, anggapoy anggan sakey.

Saray Salmo 14:3 Iomraidhean Croise

Genesis 6:12

Say Dios ninmengneng ed mundo tan anengneng ton maoges, lapud maoges so pambibilay na amin a katoowan.

Say Libro nen Job 14:4

Anggapoy malinis a napapaway ed antokaman a marotak a singa say too.

Say Libro nen Job 15:16

Say panggagawa na too ed kaogsan et singa kakainom to na danum; on, marotak tan andi-kakanaan so too.

Saray Salmo 119:176

Akar-akar ak a singa abalang a karniro; anap mo ak pa sirin ya aripen mo, ta ag ko inkaindan iray ganggan mo.

Saray Salmo 14:1

Saray makulang-kulang a totoo kuandad sikaran dili, “Anggapoy Dios!” Maoges ira tan makapataktakot iray ginagawa ra, anggapoy anggan sakey so manggagaway kamaungan.

Saray Salmo 143:2

Ag mo ak pa sisintinsiaan ya aripen mo; anggapoy toon matonung ed arap mo.

Saray Salmo 38:5

Lapud kalokowan ko, naboboluk tan ombabanget iray girik.

Saray Salmo 58:3

Saray totoon maoges et maoges irad intiron bilay da; manlapud inkianak da, mantitila la ra.

Exodo 12:30

Diad saman a labi say ari, saray opisyal to, tan amin nin arum ya Egipsio et abangon ira. Walay agawan baleg ya akisan ed intiron Egipto, lapud anggapoy abung ya anggapoy inatey to.

Exodo 8:31

et say Katawan ginawa to so kerew nen Moises. Tinaynan na saray apangat so ari, saray opisyal to, tan saray totoo to; anggapoy anggan sakey ya atilak.

Ecclesiastes 7:20

Anggapoy too diad tapew na dalin a manggagawa lawas na kamaungan tan ag balut mankasalanan.

Ecclesiastes 7:29

Saya labat so naaralan ko: Pinalsa na Dios a maptek so too, balet say too amayamay so sinmeseksek a kaogsan ed olo to.

Isaias 53:6

Nen saman singa tayo saray karniron abalang, manaakar ed dilin dalan to so balang sakey ed sikatayo. Balet impasakbat na Katawan ed sikato so dusan kanepegan tayo.

Isaias 64:6

Nankasalanan kamin amin; marotarotak a tuloy so anggan say sankaabigan lan gagawaen mi. Lapud saray kasalanan mi singa kami saray amagaan a bolung ya intitikyab na dagem.

Jeremias 2:13

ta duaray nankasalanan na saray totook: inkaindan da ak, siak a sobul na mabilay a danum; nankokotkot ira na saray bobun, saray bobun a nanletak kanyan ag makakargay danum.

Ezekiel 36:25

Walsikan ta kayoy malinis a danum tan linisan ta kayod saray amin a talintaoy diriyos yo tan diad amin a bengatlan nandotak ed sikayo.

Saray Taga Roma 3:23

nankasalanan ya amin iray katoowan tan ag ira manepeg ed pakanengneng na Dios.

1 CORINTO 6:5

Kababaing kayo! Anggapo la sirin ed sikayoy makabat a sarag toy mangariglod siblangay sanaagi?

2 CORINTO 7:1

Nisipan ira yan amin ed sikatayo, inararon agagi. Linisan tayo sirin so laman tan ispiritu tayo ed amin a makarotak. Pampelengan ti siriy magmaliw a nagnap ed kinasanto, diad panamegley na pambilay a walay panamagalang tayo ed Dios.

TAGA-EFESO 2:3

Diad tuay tua kapara ti ra nen saman; nambilay itayo onung ed likeliket na laman, tan ginagawa tayoy antokaman a maoges a pilalek na laman tan kanunotan tayo. Kanyan onung ed inkatoo tayo kanepegan tayo nen saman, singa saray arum, so manliknay pasnuk na Dios.

Deuteronomio 1:35

‘Anggapoy anggan sakey ed sikayo a kabyangan na sayan kailalakan so makaloob ed mataban dalin ya insipan kon iter ed saray lalaki yo.