Saray Salmo 137:3 - Maung A Balita Biblia

³ Impankanta kami na saray anakep ed sikami; inkuanda a paliketen mi ra: “Manganta kayoy nipaakar ed Sion!”

Maung a Balita Biblia

³ Impankanta kami na saray anakep ed sikami; inkuanda a paliketen mi ra: Manganta kayoy nipaakar ed Sion!

Saray Salmo 137:3 Iomraidhean Croise

1 Saray Awaran 15:27

Si David, saray tumutogtog tan saray kumakanta, si Kenanias a pangulo ra, tan saray Levitan manasakbat na Kaban na Sipanan et akasolung iran amin na sankaabigan a linen a tunika. Akasolung met si David na linen ya ipod.

1 Saray Awaran 16:7

Saman ya agew so onaan ya impanoro nen David ed kinen Asaf tan saray kapara ton Levita a mankanta ray pangidayew ed Katawan.

Nehemias 4:2

Diad arap na saray kakaiba to tan saray sondalo na Samaria inkuanto, “Antoy linmad olo na saray pangaskasiyan a Judio? Labay dan ipaalagey lamet so siudad? Abaloan da kasi a diad pangibagat da nasumpal da so kimey ed sanagew? Nayarian da kasin gawaen a bato ira may bunton na atemek-temek tan apool-poolan a bengatla?”

Saray Salmo 65:1

O Dios, manepeg a dayewen mi ka ed Sion tan sumpalen mi ray sipan mid sika,

Saray Salmo 79:1

O Dios, say dalin mo et nilooban na saray pagano. Dinotakan day inkasanto na Timplom tan dineral-deral day Jerusalem.

Saray Salmo 80:6

Inyabuloy mon panlalabanan na saray kakaabay min bansa so dalin mo; papabaingan kami na saray kalaban mi.

Saray Salmo 9:14

pian nayarian koy ontalindeg ed arap da ray totood Jerusalem, tan nibawag kod sikaray makasengeg na pangidadayew kod sika. Manliket ak ta inlaban mo ak.

Probirbio 25:20

Say pankantad toon baleg so ermen to et singa panlakseb ed sakey a too no panaoy ambetel odino pangigosagos na asin ed sugat.

Isaias 35:10

Magayaga ran makasabid Jerusalem, mangankanta tan maneyag-eyag irad liket da. Manliket iran ando lan ando, naandi lan anggad angga so ermen tan dageyem.

Isaias 51:11

Onsabin magaygayaga ed Jerusalem ira may inyagel mo, mankanta tan maneyag ira lapud liket. Manliket ira ed ando lan ando, naandi lad bilay da so ermen tan dageyem.

Jeremias 26:18

“Nen ari ed Juda si Ezekias, si propita Mikias a taga Moreset imbaga tod amin a totoo a say Katawan a Makapanyarin-amin inkuanto, ‘Nabakan singa alog so Sion; magmaliw a bunton na deral-deral so Jerusalem, tan magmaliw a takel so palandey a panalalageyan na Timplo.’

Jeremias 9:11

Say Katawan kuanto, “Gawaen kon bunton na deral-deral so Jerusalem, sakey a pasen a panayaman da ray asod katakelan; magmaliw a kalawakan iray siudad na Juda, tan sakey a pasen ya ag panayaman na totoo.”

Mikias 3:12

Kanyan lapud maoges kayo, nabakan singa alog so Sion, magmaliw a bunton na deral-deral so Jerusalem, tan magmaliw a takel so pokdul a kawalaay Timplo.

Lucas 21:6

“Nipaakar ed amin da ra yan nanenengneng yo natan: onsabi ray agew ya anggapoy anggan sakey a baton natilak ed pasen to, ta nageba ran amin.”