Saray Salmo 133:3 - Maung A Balita Biblia

³ Singa linaew ed Palandey na Hermon, ya ompepelag ed kapokdulan na Sion. Diman so angisipanay Katawan na bindision to, say bilay a mansiansian anggad angga.

Maung a Balita Biblia

³ Singa linaew ed Palandey na Hermon, ya ompepelag ed kapokdulan na Sion. Diman so angisipanay Katawan na bindision to, say bilay a mansiansian anggad angga.

Saray Salmo 133:3 Iomraidhean Croise

Saray Salmo 16:11

Ipaamtam ed siak so dalan a mamaarap bilay; say kiwawalam papanoen to ak na gayaga tan iitdan to ak na liket ya anggad angga.

Saray Salmo 21:4

Kinmerew na bilay et initdan mo, andokey tan andi-anggaan a bilay.

Saray Salmo 21:5

Baleg so kagalangan to lapud tinulongan mo; impagmaliw mon bantug tan matalonggaring.

Saray Salmo 42:8

Say Katawan ipanengneng to komun no agew so ag mangoman a panangaro to, pian makapankanta ak no labi, kantan pampikasik ed Dios na bilay ko.

Probirbio 19:12

Say pasnuk na sakey ya ari et singa nguam na lion, balet say maung a linawa to et singa oran a pampipilalekan.

Levitico 25:21

Say Katawan bindisionan toy dalin diad kumanem a taon pian magenap a pambilay a duay taon so iter ton tagano.

Mikias 5:7

Say totood Israel a nakeraan a mabilay et magmaliw iran singa ambetel a linaew ya impelag na Katawan ed saray amayamay a bansa, singa ra mayamayan ompepelag ed saray ombabaleg a tanaman. Manmatalek irad Dios, aliwan diad too.

Juan 4:14

“balet ag lan balut naapgaan so siopaman ya oninom na danum, ya iter ko. Ta say danum ya iter kod sikato magmaliw a sobul ed loob to a mangiter ed sikatoy mabilay a danum tan bilay ya andi-anggaan.”

Juan 5:24

“Ibabagak ed sikayoy katwaan a siopamay ondengel ed salitak tan manisiad samay angibakid siak, walay bilay ton andi-anggaan; ag la nasintinsiaay dusa, lapud nilabasan to lay patey tan linmoob lad bilay.

Juan 5:29

tan nabilay ira. Saray nanggagaway maung, onoli ran naitdan na bilay ya andi-anggaan; balet saray nanggagaway maoges, onoli ran nadusa.”

Juan 6:68

Inmebat si Simon Pedro, “Katawan, siopay laen mi ni? Walad sika ray salitan mangiiter na bilay ya andi-anggaan.

Saray Taga Roma 5:21

Kanyan no say kasalanan et nanoley diad panamegley na patey, ontan met a manoley so baleg a panangaroy Dios diad panamegley na pakapaandi na kasalanan, pian nagamuran tayoy bilay ya andi-anggaan diad panamegley nen Jesu-Cristo a Katawan tayo.

Saray Taga Roma 6:23

Ta patey so upa na kasalanan, balet bilay ya andi-anggaan so rigaloy Dios diad panamegley na pikakasakey ed Cristo Jesus a Katawan tayo.

Deuteronomio 28:8

“Say Katawan a Dios yo bindisionan toy kimey yo tan panoen to na ilik iray pananginan yo. Bindisionan to kayo ed dalin ya iiter tod sikayo.

Deuteronomio 4:48

Sayan dalin et manlapud baley na Aroer diad gilig na Ilog na Arnon, tan mamaarap ed baybay ya anggad Palandey na Sirion, salanti say Palandey na Hermon.

Josue 13:11

Sakop to met so Galaad, saray dalin na Gesur tan Maaca, say intiron Palandey na Hermon, tan say intiron dalin na Basan ya anggad Saleca.

1 Juan 2:25

Tan say insipan nen Cristo ya iter ed sikayo et say bilay ya andi-anggaan.

1 Juan 5:11

Saya so panagtasi: say Dios initdan to itayoy bilay ya andi-anggaan, tan sayan bilay et wala ed Anak to.

Puyan 1:18

Siak so mabilay! Inatey ak balet, nengneng mo, mabilay ak ya anggad angga. Walad silong na pakayarik so patey tan say Hadis.