Saray Salmo 133:1 - Maung A Balita Biblia

¹ Agaylay abig tan makapaliket ed saray totooy Dios a mambilay iran mankakasakey!

Maung a Balita Biblia

¹ Agaylay abig tan makapaliket ed saray totooy Dios a mambilay iran mankakasakey!

Saray Salmo 133:1 Iomraidhean Croise

Genesis 13:8

Inkuanen Abram ed kinen Lot, “Sankanayon ita, tan ag nepeg a mansebeg iray totook tan saray totoom.

Genesis 45:24

Pinasiput to ray agagi to tan binilin to ra, “Ag kayo mansesebeg ed dalan.”

Saray Salmo 122:1

Makaliliket ak nen inkuandad siak, “Onla itayod abung na Katawan.”

Saray Salmo 124:1

Anto kasi no ag itayo tinulongay Katawan? Ebat ka, O Israel!

Saray Salmo 131:1

Katawan, intondak lay mampaatagey, tan inkaindan ko lay mampasirayew. Anggapoy pibabalian kod saray ankakabaleg a pamaakaran, o saray bengetlan ag ko natalusan.

Isaias 11:13

Ag la onimon ed satan so nanarian na Israel ed Juda, tan ag la kalaban na Israel so Juda.

Isaias 11:6

Manamung tan ag manangal iray asod katakelan tan saray karniro, tan saksakey a pasen so dokulan da ray liopardo tan saray kanding. Manokub na panganan iray kilaw na baka tan saray kilaw na lion, tan melag iran ogogaw so manasikasod sikara.

Isaias 11:9

Diad Sion a masanton palandey na Dios, anggapoy antokaman a mamasakit odino manderal. Say dalin napano na pikakabat ed Katawan a singa inkapnoy dayat na danum.

Jeremias 32:39

Itdan ko ray saksakey a getmad bilay: say pamagalang da lawas ed siak a pankaabigan da tan saray kabyangay boleg da.

Marcos 3:25

No manlalaban iray kabyangan na sakey a pamilya, naderal itan a pamilya.

Juan 13:35

No manaarowan kayo, naamtaay amin a totoo a sikayo ray disipulok.”

Juan 17:21

pian magmaliw iran amin a saksakey komun. Ama! Mikasakey ira komud sikata, a singa kiwalam ed siak tan siak ed sika, pian manisiay sankamundoan ya imbaki mo ak.

1 CORINTO 1:10

Agagi, sisimbawaen ta kayo diad panamegley na ngaran na Katawan tin Jesu-Cristo: mankakasakey kayod amin a salitaen yo, pian ag kayo naapag-apag. Ayadyari komuy pankakasakey yo diad kanunotan tan getma.

Saray Hebreo 13:1

Ituloy yoy panaarowan yon sanaagi ed Cristo.

1 Pedro 3:8

Kaonuran, nepeg a mankakasakey kayod kanunotan tan liknaan. Nepeg a panaaroway sanaagi so panaarowan yo; mapangasi tan mapaabeba kayo.