Saray Salmo 130:3 - Maung A Balita Biblia

³ No inlistam iray kasalanan mi, siopay makapaliis ed panusam?

Maung a Balita Biblia

³ No inlistam iray kasalanan mi, siopay makapaliis ed panusam?

Saray Salmo 130:3 Iomraidhean Croise

Esdras 9:15

Katawan a Dios na Israel, matonung ka, balet inyabuloy mon mambilay kami ni. Ipatwa mi ray kasalanan mid sika; anggapoy kanepegan min miarapan ed sika.”

Say Libro nen Job 10:14

Babantayan mo ak ta nengnengen mo no mankasalanan ak, pian walay makasengeg na ag mo pamirdonad siak.

Say Libro nen Job 15:14

Walay toon nagnap a malinis so puso to? Walay toon nagnap a matonung ed arap na Dios?

Say Libro nen Job 9:20

Anggapoy kasalanan ko tan pakabalawan ed siak, balet diad saray salik singa ak nankasalanan; amin ya ibabagak singa mamapaneknek a nankasalanan ak.

Saray Salmo 143:2

Ag mo ak pa sisintinsiaan ya aripen mo; anggapoy toon matonung ed arap mo.

Saray Salmo 76:7

Balet sika makapataktakot ka. Siopay makakpel ya onarap ed sika no mamapasnuk ka?

Isaias 53:6

Nen saman singa tayo saray karniron abalang, manaakar ed dilin dalan to so balang sakey ed sikatayo. Balet impasakbat na Katawan ed sikato so dusan kanepegan tayo.

Nahum 1:6

No mamapasnuk so Katawan, siopay makapaliis ed patey? Siopay makatepel na ontan lan sanuk to? Iibung toy manliub a pasnuk to; diad arap to nakukusbo tan ondadabuk iray baton-dampay.

Malakias 3:2

Balet siopay makapangitepel na agew na isabi to? Siopay nabilay no sikatoy ompanengneng? Sikatoy singa mabayanin sabon, singa apoy a manlinis ed mital.

Deuteronomio 9:27

Nudnunot mo pa ray aripen mon di Abraham, Isaac, tan Jacob, tan palabas mo lay inkaawet na olo da ra yan totoo, say inkaoges da, tan say kasalanan da.

Puyan 6:17

Ta sinmabi lay baleg ya agew a pampasnuk da, et siopay makatepel a miarapan?”