Saray Salmo 125:2 - Maung A Balita Biblia

² No panon so inkaliber na Jerusalem na kapalandeyan, ontan met so panasayakop na Katawan ed saray totoo to, natan tan anggad angga.

Maung a Balita Biblia

² No panon so inkaliber na Jerusalem na kapalandeyan, ontan met so panasayakop na Katawan ed saray totoo to, natan tan anggad angga.

Saray Salmo 125:2 Iomraidhean Croise

2 Saray Arari 6:17

Insan nampikasi, “O Katawan, lokasan mo pay mata to, pian nanengneng to!” Inebatan na Katawan so pikakasi to; ninmengneng imay aripen nen Eliseo, et anengneng toy gilig na palandey a napnoy kabayo tan karwahin apoy ya akapaliber iran amin ed kinen Eliseo.

Saray Salmo 121:8

Iyagel to ka no onla kad laen mo tan no ompawil ka, natan tan anggad angga.

Saray Salmo 34:7

Say anghil na Katawan babantayan to ray mangigagalang ed Katawan tan iyaagel to rad kaatapan.

Isaias 4:5

Insan diad tagey na Palandey na Sion tan diad tagey na saray totoon nantitipon diman, ibaki na Katawan so lorem no agew, tan say asewek tan say marlang ya apoy no labi. Say kagalangan na Dios sakbungan tan iyagel toy intiron siudad.

Saray Tagleey 4:12

Anggapoy siopaman ed anggan iner a pasen, anggan saray manoley ed saray arum a bansa, so anisian walay kalaban a makaloob ed saray puirta na Jerusalem.

Zacarias 2:5

Insipan na Katawan a sikaton dili so magmaliw a padir na apoy ed liber-liber na siudad a mangyagel tan manayam diman a napnoy kagalangan.”

Deuteronomio 33:27

Say andi-anggaan a Dios so lawas manangyagel yo; saray magnayon a taklay to so sakorung yo. Pinataynan to ray kalaban yo legan yon mankukurang, tan imbaga tod sikayon deralen yo ran amin.