Saray Salmo 123:1 - Maung A Balita Biblia

¹ Katawan, ontatangay ak ed sika, ditad tawen a panooleyan mo.

Maung a Balita Biblia

¹ Katawan, ontatangay ak ed sika, ditad tawen a panooleyan mo.

Saray Salmo 123:1 Iomraidhean Croise

1 Saray Arari 8:30

Dengel mo pa ray pikakasik tan saray pikakasi na saray totoom no mampikasi ran akaarap ed sayan Timplo. Diad ayaman mon tawen, dengel mo kami pa tan pirdona mo kami.

Saray Salmo 11:4

Say Katawan walad masanton timplo to; walad tawen so trono to. Babantayan toy amin a katoowan tan amta to ray gagawaen da.

Saray Salmo 115:3

Walad tawen so Dios mi, tan gagawaen toy antokaman a labay to.

Saray Salmo 120:1

Nen wala ak ed gunigon tinmawag ak ed Katawan, et inebatan to ak.

Saray Salmo 121:1

Onnenengneng ak ed kapalandeyan; iner so panlapway tulong ed siak?

Saray Salmo 122:1

Makaliliket ak nen inkuandad siak, “Onla itayod abung na Katawan.”

Saray Salmo 124:1

Anto kasi no ag itayo tinulongay Katawan? Ebat ka, O Israel!

Saray Salmo 125:1

Saray manmamatalek ed Katawan et singa ra Palandey na Sion, ya ag balut nagalaw, no ag ingen mansiansia lawas.

Saray Salmo 126:1

Nen say Katawan et impawil to kamid Jerusalem, singa labat sakey a kogip!

Saray Salmo 127:1

No ag ipaalagey na Katawan so abung, anggapoy kana so sagput da ray managpaalagey; no ag iyagel na Katawan so siudad, anggapoy kana so pambabantay da ray guardia.

Saray Salmo 128:1

Maliket ya amin iray matoluk ed Katawan, saray mambibilay ya onung ed saray ganggan to.

Saray Salmo 129:1

Ibagam pad sikami, Israel, so ontan lan impamairap ed sika na saray kalaban mo, nanlapu lad impanogaw mo!

Saray Salmo 130:1

Manlapud kaaraleman na inkaekalan koy ilalo, ontatawag ak ed sika, Katawan.

Saray Salmo 131:1

Katawan, intondak lay mampaatagey, tan inkaindan ko lay mampasirayew. Anggapoy pibabalian kod saray ankakabaleg a pamaakaran, o saray bengetlan ag ko natalusan.

Saray Salmo 132:1

Katawan, nunot mo pay David tan amin ya intepel ton kairapan.

Saray Salmo 133:1

Agaylay abig tan makapaliket ed saray totooy Dios a mambilay iran mankakasakey!

Saray Salmo 134:1

Dago kayo, ta idayew yoy Katawan, amin yon aripen to, amin a manlilingkur ed Timplo to no labi.

Saray Salmo 141:8

Balet Katawan a Dios, manmamatalek ak ed sika. Papaiyagel ak ed sika; ag mo pa iyaabuloy ya ompatey ak!

Saray Salmo 2:4

Makakalek so Katawan a manyodyorung ed trono tod tawen, tan babalawen to ra.

Saray Salmo 25:15

Say Katawan so pikekerewan ko lawas na tulong. Manmamatalek ak lawas ed Katawan, et ipapaliis to ak ed kaatapan.

Isaias 57:15

“Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Isaias 66:1

Say Katawan kuanto, “Say tawen so tronok tan say dalin so toonan na salik. Anton klasiy abung sirin so ipaalagey yon para siak, anton klasiy pasen so panayaman ko?

Mateo 6:9

Onyay pampikasi yo sirin: ‘Ama min walad tawen: Nagalang komuy ngaran mo;

Lucas 18:13

Samay sumisingil na buis balet, arawdawiy nanalageyan to, tan ngalngali ag to itangwad tawen so lupa to. Tinapuktapuk toy pagew to tan inkuanto, ‘O Dios, kasian mo ak pa a makasalanan!’