Saray Salmo 122:6 - Maung A Balita Biblia

⁶ Pikasi yoy kareenan na Jerusalem: “Onaligwas komun iray mangaarod sika!

Maung a Balita Biblia

⁶ Pikasi yoy kareenan na Jerusalem: Onaligwas komun iray mangaarod sika!

Saray Salmo 122:6 Iomraidhean Croise

Genesis 12:3

Bindisionan ko ray mamindision ed sika, Balet isambak iray mangisambad sika. Diad panamegley mo bindisionan kon amin iray bansa ed mundo.”

Nehemias 11:1

Nanayam ed Jerusalem iray pangulo, nampapalaranan balet iray arum a totoo no dinan a pamilya ed kapag samplora so manayam ed masanton siudad na Jerusalem. Saray arum a pamilya et nepeg a manayam la rad saray arum a siudad tan saray arum a baley.

Nehemias 11:2

Indayew na amin a totoo so siopaman nin maabuloy a manayam ed Jerusalem.

Ester 4:8

Initdan nen Mardokeo si Hatac na kopia na samay ganggan a nipaakseb ed Susa ya ibabaga toy pakapatey na saray Judio. Kinerew nen Mardokeo ed sikato ya iter tod kinen Ester imay kopia na ganggan, tan ipaliwawa tod sikato so kipapasen da ray Judio. Kinerew to met ya ibaga tod kinen Ester ya onlan mikasid ari ya abageyen to ray totoo nen Ester.

Saray Salmo 51:18

O Dios, kasian mo pay Sion tan tulongan mo; ipaalagey mo pa lamet iray padir na Jerusalem.

Isaias 62:7

Nepeg ya ag da pampapainawaen so Katawan anggad ipaalagey to lamet so Jerusalem, Tan gawaen ton siudad a dadayewen na intiron mundo.

Isaias 66:10

Miliket kayod Jerusalem; manggayaga kayo para sikato, amin yon mangaaro ed sayan siudad. Miliket kayo natan ed sikato, amin yo a nanermen lapud sikato!

Jeremias 29:7

Mankimey kayo a pankaabigan na saray siudad a nampaiprisoan kod sikayo. Ipikasi yo ed siak ira ta no maaligwas ira, maaligwas kayo met.

Jeremias 51:50

Say Katawan kuantod saray totoo ton walad Babilonia: “Apaliisan yoy patey! Laki la natan! Ag kayo la manaabala! Anggaman ya arawdawi kayod bansa yo, nudnunot yo ak a Katawan yo, tan say Jerusalem.

Saray Bilang 24:9

Say bansa et singa makapanyarin lion; No akaogip anggapoy makakpel a mamangon. Siopamay mamindision ed Israel et nabindisionan Tan siopamay mangisamba ed Israel et nisamba.”

Juan 17:21

pian magmaliw iran amin a saksakey komun. Ama! Mikasakey ira komud sikata, a singa kiwalam ed siak tan siak ed sika, pian manisiay sankamundoan ya imbaki mo ak.

TAGA-EFESO 4:3

Gawa yoy anggaay nayarian yo a pansiansiaey pankakasakey a manlalapud Ispiritu, diad panamegley na kareenan a mamapasakey ed sikayo.

2 TESALONICA 3:16

Say Katawan a dili a sobul na kareenan et itdan to kayo komuy kareenan diad amin a panaon tan diad amin a pamaakaran. Walad sikayon amin komuy Katawan.

1 Juan 3:14

Amta tayon imbeneg ti lay patey tan wala ti lad bilay, ta inaro tayo ray agagi tayo. Siopamay ag mangaaro, wala ni ed patey.

1 Samuel 12:23

Para say siak, ag komun iyabuloy na Katawan a mankasalanan ak diad pangitondak na pangipikasik ed sikayo. Ingen, ibangat kod sikayo no anto ray maung tan maptek a gawaen yo.