Saray Salmo 119:2 - Maung A Balita Biblia

² Maliket iray manusumpal na saray ganggan to, saray mangoonur ed sikato ed intiron puso ra.

Maung a Balita Biblia

² Maliket iray manusumpal na saray ganggan to, saray mangoonur ed sikato ed intiron puso ra.

Saray Salmo 119:2 Iomraidhean Croise

1 Saray Arari 2:3

sumpal moy amin ya iganggan ed sika na Katawan a Dios mo. Toluk mon amin iray ganggan tan bilin to onung na nisulat ed Ganggan nen Moises, pian onaligwas ka ed antokaman a gawaen mo, inerman so laen mo.

1 Saray Awaran 22:19

Nepeg natan a masimoon tan matoor so panlingkur yod Katawan a Dios yo. Igapo yon ipaalagey so Timplo a pamagalang ed Katawan, pian niiyan yod dalem to imay Kaban na Sipanan na Katawan tan saray arum a masanton kagawaan ya ikakanad pangigalang ed sikato.”

2 Saray Awaran 31:21

Maaligwas si Ezekias, lapud antokaman a ginagawa to nipaakar ed Timplo odino pangonur tod Ganggan, ginagawa to lapud masimoon ya inkatoor tan panangaro tod Dios to.

Saray Salmo 105:45

pian onuren na saray totoo to iray ganggan to tan sumpalen da ray bilin to. Idayew yoy Katawan!

Saray Salmo 119:10

Lilingkuran ta ka ed intiron pusok; ag mo ak pa aabuloyan ya onsumlang ed saray ganggan mo.

Saray Salmo 119:101

Papaliisan koy maoges a kagagawa, ta labay kon onuren so salitam.

Saray Salmo 119:115

Arawian yo ak, sikayon totoon maoges. Onuren ko ray ganggan na Dios ko.

Saray Salmo 119:146

Ontatawag ak ed sika; ilaban mo ak pa, et sumpalen ko ray ganggan mo.

Saray Salmo 119:17

Ipanengneng mo pad siak ya aripen mo so kamaungan mo, pian mambilay ak tan naonur ko ray bangabangat mo.

Saray Salmo 119:22

Ipaliis mo ak pad saray panagpabaing tan panagbalaw da, ta inonur ko ray ganggan mo.

Saray Salmo 119:33

Katawan, ibangat mo pad siak so kabaliksan da ray ganggan mo, et lawas ko ran onuren.

Saray Salmo 119:34

Itdan mo ak pay pakatalus pian naonur koy ganggan mo; onuren ko ed intiron pusok.

Saray Salmo 119:57

Sika labat, Katawan, so pampipilalekan ko; isisipan kon onuren iray ganggan mo.

Saray Salmo 119:69

Saray mapaatagey a totoo mantitila ra nipaakar ed siak, balet oonuren ko ed intiron pusok iray pananontonan mo.

Saray Salmo 119:88

Pansiansia mo ak pan mabilay lapud ag mangoman a panangarom, pian naonur ko ray ganggan mo.

Saray Salmo 25:10

Katekep na aro tan katooran so pangiwawanwan tod saray manusumpal na impisipanan to tan saray ganggan to.

Probirbio 23:26

Anak ko, dengel kan maung ed siak, tan alig mo ak ed kabibilay ko.

Jeremias 29:13

Anapen yo ak et narumog yo ak, lapud anapen yo ak ed intiron puso yo.

Ezekiel 36:27

Iyan kod sikayo so ispirituk tan patoluken ta kayod saray ganggan ko tan saray bilin kod sikayo.

Juan 14:23

Inmebat si Jesus, “Siopamay mangarod siak, onuren to ray salitak; sikatoy aroen nen Amak tan onla kamin manayam ed sikato.

Deuteronomio 4:29

Diman yo anapen so Katawan a Dios yo et no ipuspuso yon anapen, narumog yo.

Deuteronomio 6:17

Pampelengan yon onuren iray amin a ganggan ya inter tod sikayo.

Deuteronomio 6:5

Aro yo so Katawan a Dios yo ed intiron puso yo, intiron kamarerwa yo, tan intiron biskeg yo.

1 Juan 3:20

No ag itayo padeeney konsinsia tayo, amta tayon baleg so Dios nen say konsinsia tayo, tan kabat ton amin iray bengatla.