Saray Salmo 116:1 - Maung A Balita Biblia

¹ Inarok so Katawan, ta derengelen to ak; derengelen to ray pikakasik.

Maung a Balita Biblia

¹ Inarok so Katawan, ta derengelen to ak; derengelen to ray pikakasik.

Saray Salmo 116:1 Iomraidhean Croise

Genesis 35:2

Kanyan inkuanen Jacob ed pamilya to tan amin a kaiba to, “Ibantak yo ray diriyos na arum a bansa ya awit yo; linisan yoy sikayon dili, insan kayo mampales na malinis.

1 Saray Arari 9:3

Inkuan na Katawan ed sikato, “Nadngel koy pikakasim. Pasantosen ko yan Timplon impaalagey mo, ta sikatoy pasen a pangigalangan ed siak diad ando lan ando. Asikasoen tan iyagel ko ed anggan anton panaon.

Saray Salmo 119:132

Lingaw mo ak pa tan kasian mo ak, a singa gagawaen mod saray mangaarod sika.

Saray Salmo 28:6

Idayew yoy Katawan; ta dinengel toy inkerew ko na tulong.

Saray Salmo 40:1

Inanosan koy nanalagar ed tulong na Katawan; insan tinalineng to ak tan dinengel toy tawag ko.

Saray Salmo 69:33

Dedengelen na Dios iray walad pankaukolan, tan ag to lilingwanan iray totoo tod prisowan.

Isaias 38:15

Balet antoy nibagak? Say Katawan so angiter ed sayan sakit. Ansakit so pagew ko kanyan ag ak makaogip.

Saray Tagleey 3:56

Dinengel mo ak nen kinerew kod sikan talinengen moy kerew ko.

Jonas 2:3

Imbantak mo ak ed kaaralman na dayat, diad daledalem na dayat, ya aliber-liber ak na danum, tan atabun-tabunan ak na ankakabaleg a daluyon.

Saray Bilang 21:3

Dinengel ira na Katawan kanyan impanalo to ran akibakal ed saray Cananeo. Kanyan saray Israelita sigput dan dineral iray Cananeo tan saray siudad da. Horma so impangingaran dad saman a pasen.

Marcos 12:33

Kanyan say too nepeg ton aroen so Dios ed intiron puso to, tan diad intiron nunot to, tan diad intiron biskeg to. Nepeg to met ya aroen so kapara ton too a singa panangaro tod sikaton dili. Lalon maung ni ya, nen say pangibagat na ayayep a poolan ed altar tan say pangisaklang na arum ni ran bagat ed Dios.”

Juan 16:24

Anggad natan ag kayo ni kinmerew na antokaman ed ngaran ko. Kerew kayo et makaawat kayo, pian magmaliw a nagnap so liket yo.”

Juan 21:17

Pinitlo nen Jesus a tinepet, “Simon ya anak nen Juan, inaro mo ak?” Naermenay Pedro ta pinitlo nen Jesus a tinepet, “Inaro mo ak?” Kanyan kuantod kinen Jesus, “Katawan, amtam iray amin a bengatla; amtam ya inaro ta ka!” Inkuanen Jesus ed sikato, “Asikasom iray karnirok.

1 Juan 4:19

Mangaro tayo, ta inmonan angarod sikatayo so Dios.

1 Samuel 1:26

Inkuanen Ana ed kinen Eli, “Nabirbir yo ak ni? Siak imay biin anengneng yon manalalagey dian mampipikasi ed Katawan.