Saray Salmo 114:1 - Maung A Balita Biblia

¹ Nen tinaynan na saray totood Israel so Egipto, nen tinaynan na saray kabyangay boleg nen Jacob iman a dalin a kayaryan na arum a totoo,

Maung a Balita Biblia

¹ Nen tinaynan na saray totood Israel so Egipto, nen tinaynan na saray kabyangay boleg nen Jacob iman a dalin a kayaryan na arum a totoo,

Saray Salmo 114:1 Iomraidhean Croise

Genesis 42:23

Atalusan nen Jose so ibabaga ra, balet ag da amta, ta misasalita rad sikato diad panamegley na sakey a manangipatalus.

Saray Salmo 81:5

Ingganggan to ya ed saray totood Israel nen dinogpaan toy dalin na Egipto. Narerengel koy bosis ya ag ko kabat a kuanto,

Saray Salmo 81:6

“Inekal kod takeb yo iray kairapan a sasakbaten yo; impaigatun kod sikayo ray laryon sankabembenan yo.

Exodo 12:51

Diad saman ya agew, say Katawan impaway tod Egipto iray boleg na saray Israelita.

Exodo 13:3

Si Moises kuantod saray totoo, “Tandaan yo yan agew—say agew ya intaynan yon manlapud dalin na Egipto a dimay inkaaripenan yo. Diad sayan agew say Katawan impaway to kayo diad panamegley na baleg a pakayari to. Ag nepeg a kanen ed sayan agew so tinapay a pinaalsad libadura.

Exodo 20:2

“Siak so Katawan a Dios yo ya angipaway ed sikayod Egipto ya akaaripenan yo.

Isaias 11:16

Walay nagawan maawang a dalan a manlapud Asiria, a dalanen na saray totood Israel a nipaliis ed patey diman, a singa inkiwalay dalan a dinalan na saray lalaki ra nen tinaynan day Egipto.

Deuteronomio 16:1

“Pagalangan yoy Katawan a Dios yo diad panamegley na pansilibra yo na Paskua no bulan na Abib; diad aminsan a labi ed saman a bulan so impangipaway tod sikayod Egipto.

Deuteronomio 26:8

Diad panamegley na baleg a pakayari tan biskeg to inyagel to kamid Egipto. Nanggagawa na saray milagro tan pakelaw, tan saray makapataktakot a bengatla.