Saray Salmo 112:7 - Maung A Balita Biblia

⁷ Ag antakot a makadngel na maoges a balita; mabiskeg so pananisia to, tan manmamatalek ed Katawan.

Maung a Balita Biblia

⁷ Ag antakot a makadngel na maoges a balita; mabiskeg so pananisia to, tan manmamatalek ed Katawan.

Saray Salmo 112:7 Iomraidhean Croise

Say Libro nen Job 11:15

Insan kad satan miarapan lamet ed sankamundoan, ya anggapoy takot mo tan mabiskeg so linawam.

Saray Salmo 118:6

Kaibak so Katawan, ag ak ontakot; antoy nagawaay too ed siak?

Saray Salmo 34:4

Nampikasi ak ed Katawan et inebatan to ak, inekal ton amin iray takot ko.

Saray Salmo 49:6

saray totoon manmamatalek ed kayaryan da, tan ilalastug day dakel a kayamanan da.

Saray Salmo 57:7

Walay talek na linawak, O Dios! Mankanta ak tan idayew ta ka!

Saray Salmo 62:8

Sikayon totook, manmatalek kayod Dios diad amin a panaon. Ibaga yod sikatoy amin a gunigon yo, ta sikatoy salimbeng tayo.

Saray Salmo 64:10

Manliket ya amin iray totoon matonung, lapud saray ginagaway Katawan. Diad sikatoy pakalmoan day kilalaban; igalang na amin a totoon matonung.

Probirbio 1:33

Balet niarawid kaatapan so siopaman ya ondengel ed siak. Mareen so pambilay to, ta anggapoy nepeg ton takotan.”

Daniel 3:16

Inmebat ira di Sadrac, Mesac, tan Abednego, “Ag mi iyagel so sikamin dili, Kagalang ya Ari.

Lucas 21:19

Mananos kayo, pian nagamuran yoy tuan bilay.”

Lucas 21:9

Ag kayo natatakot no nabalitaan yo ray bakabakal tan golo-golo. Nakaukolan ya onona ra yan nagawa, balet aliwa nin asingger so anggaay mundo.”

Juan 14:1

Inkuanen Jesus, “Ag komun nagunigon so puso yo; manisia kayod Dios tan manisia kayo met ed siak.

Saray Gawgawa 20:24

Balet ipapasen kon anggapoy kuinta so bilay ko, dapot nasumpal koy kimey ko tan say inter na Katawan a Jesus a gawaen ko, salanti, say pampulong koy Maung a Balitan nipaakar ed baleg a panangaroy Dios.

Saray Gawgawa 21:13

Balet inmebat, “Akin et onaakis kayo? Ag yo kari papakapoyey liknaan ko! Aliwa ak labat a sipaparaan a pabalur ed Jerusalem no ag pati papatey lapud ngaran nen Jesus a Katawan.”

Saray Gawgawa 27:25

Kanyan, kakaaro, pabiskeg yoy linawa yo! Ta sisiaen koy Dios a gawaen toy amin a nibagad siak.