Saray Salmo 109:13 - Maung A Balita Biblia

¹³ Ompatey komun ya amiy kabyangay boleg to, tan nalingwanan la komuy ngaran to diad ontombuk a kailalakan.

Maung a Balita Biblia

¹³ Ompatey komun ya amiy kabyangay boleg to, tan nalingwanan la komuy ngaran to diad ontombuk a kailalakan.

Saray Salmo 109:13 Iomraidhean Croise

1 Saray Arari 16:11

Kagapoy impanari nen Zimri, pinatey ton amin iray kabyangay pamilya nen Baasa. Apatey ya amin iray lalakin kakanayon tan kakaaro to.

Say Libro nen Job 18:17

Angangga la so inkabantug to ed dilin bansa to tan diad arum a bansa; anggapo lay makanunot ed sikato.

Say Libro nen Job 18:19

Anggapoy akeraan a kabyangay boleg to; inaatey la ran amin.

Saray Salmo 21:10

Say ari pateyen to ray anak da; anggapoy nakeraan a mabilay ed saray kabyangay boleg da.

Saray Salmo 21:11

Mamplaplano ray maoges tan mankokomplut ira sumpad sikato, balet ag ira manalo.

Saray Salmo 37:28

ta say Katawan inaro toy kaptekan, tan ag to ikakaindan iray matoor a totoo to. Iyaagel to ra lawas, balet saray kabyangay boleg na totoon maoges et napagit ira.

Probirbio 10:7

Nanunotan a sakey a bindision so toon matonung, balet nalingwanan a tampol so toon maoges.

Jeremias 22:30

“Sayan laki et asintinsiaan lan nabalang to ray anak to, sakey a lakin ag balut onaligwas. Anggapo ray kabyangay boleg ton manoley ed Juda a kasalat nen David. Siak, say Katawan, so nansalita.”

Saray Bilang 27:4

Akin et naandid Israel so ngaran di ama mi lapu labat ya anggapoy anak dan laki? Patawir yo kami pa met a singa saray lalakin kakanayon di ama mi.”

Deuteronomio 25:19

Ontan sirin, no niiter lad sikayo na Katawan a Dios yo so dalin tan inyarawi to kayo lad kaatapan ya iter na saray kalaban yod kaliber-liber yo, patey yo ray amin a Amalecita, pian anggapo lay makanunot ed sikara. Ag yo ya lilingoanan!

Deuteronomio 29:20

Say Katawan ag to pirdonaen itan a too. Ingen say mandarlang a pasnuk na Katawan et onliub a sumpad sikato, tan amin a samba a nisulat ed sayan libro et ompelag ed sikato ya anggad sigput a naoput na Katawan.

Deuteronomio 9:14

Ag mo ak babaaten ed gawaen ko. Ginetmak la ran pateyen pian anggapo lay makanunot ed sikara. Insan ta ka pagmaliwen a sengeg na sakey a bansan lalon baleg tan makapanyari nen say sikara.’

1 Samuel 3:13

Imbagak lad sikato a dusaen kon andi-anggaan so pamilya to, lapud saray lalakin anak to et nansalita ray maoges sumpad siak. Kabat nen Eli so panggagawa rad saya, balet ag to ra pinatonda.