Saray Salmo 102:1 - Maung A Balita Biblia

¹ Katawan, dengel mo pay pikakasik, tan talineng moy pikekerew koy tulong!

Maung a Balita Biblia

¹ Katawan, dengel mo pay pikakasik, tan talineng moy pikekerew koy tulong!

Saray Salmo 102:1 Iomraidhean Croise

2 Saray Awaran 30:27

Kinerew na saray papari tan saray Levita a bindisionan komun na Katawan iray totoo. Nadngel na Dios a manaayam ed tawen so pikakasi ra et inawat to ra.

Saray Salmo 12:5

Balet kuay Katawan, “Onsingger ak natan, ta napapairap iray mankakaukolan tan mandadageyem ed sakit iray napapasegsegang. Iyarawik irad kaatapan ta sikatoy pampipilalekan da!”

Saray Salmo 143:4

Kanyan nanaekalan ak lay ilalo; mapalaloy paneermen ko.

Saray Salmo 143:7

Ebatan mo ak pa la natan, Katawan! Naandi lan amiy ilalok! Ag mo ak pa iyaamutan, ta ompan sakey ak ed saray oonlad pasen a panaayaman da ray inaatey.

Saray Salmo 145:19

Iiter toy nakaukolan da ray mangigagalang ed sikato; derengelan toy akis da tan ilalaban to ra.

Saray Salmo 18:6

Nen asabian ak na segsegang, tinmawag ak ed Katawan; kinmerew ak ed Dios ko na tulong to. Diad timplo to dinengel toy bosis ko; dinengel toy ikekerew koy tulong.

Saray Salmo 39:12

Dengel mo pay pikakasik, Katawan, tan talineng moy tagleey ko; tulongan mo ak pa no mannangnangis ak. Magano labat a sangkailim ak a singa saray lalakik.

Saray Salmo 42:4

Onsasakit so pusok kapag nanununotan ko ray agawa nen saman, nen kaibak iray karaklan a linmad abung na Dios, tan inwanwan ko rad panaakar da; malikeliket iran mankankanta tan maneeyag na dayew ed Dios.

Saray Salmo 5:2

Arik tan Dios ko, dengel mo ak pa no ontawag ak ya onkerew na tulong mo! Mikakasi ak ed sika, Katawan;

Saray Salmo 61:2

Diad inkaekalan koy ilalo nen arawi ak ed abung ko, ontatawag ak ed sika! Iyakar mo ak pad salimbengan ya arawid kaatapan,

Saray Salmo 62:8

Sikayon totook, manmatalek kayod Dios diad amin a panaon. Ibaga yod sikatoy amin a gunigon yo, ta sikatoy salimbeng tayo.

Saray Salmo 77:3

No nunoten koy Dios, mandageyem ak; no mandalepdep ak, onkakapoy so linawak.

Exodo 2:23

Kalabas na abayag a panaon inatey so ari ed Egipto, balet manngesnges ni ray Israelita ed kairapan na pakakaaripen da, kanyan kinmerew iray tulong ed Dios.

Saray Tagleey 3:44

Sinmanib kad lorem na pasnuk, kanyan ag makasabi ray pikakasi mi.

Saray Tagleey 3:8

Kinmerew ak na tulong, balet ag ak dinengel na Dios;

Lucas 22:44

Ontan lay inkagunigon to, kanyan lalon masimoon so impampikasi to. Singa dala so linget ton tinmerter ed dalin.

Saray Hebreo 5:7

Nen mambibilay ed tapew na dalin si Jesus, inakis tan ineyag toy impankerew tan impampikasi tod Dios a makapangilaban ed sikato ed patey. Lapud nagnap a mapaabeba, dinengel na Dios.

Saray Huis 10:16

Kanyan imbabantak da ray kayaryan dan diriyos na arum a bansa, tan inggalang da lay Katawan; et agunigon so Katawan lapud kakairapan na saray Israelita.

1 Samuel 9:16

“Nabwas, sakey ya onyan oras, ibakik ed sikay sakey a lakin kabyangay tribu nen Benjamin; lanaan mo ta sikatoy manoley ed saray totook ya Israelita, tan iyagel to rad saray Filisteo. Anengneng koy kairapan da ray totook, tan nadngel koy ikekerew dad siak na tulong.”