Saray Salmo 100:2 - Maung A Balita Biblia

² Igalang yoy Katawan a magayaga; dago kayon mankanta ed arap to!

Maung a Balita Biblia

² Igalang yoy Katawan a magayaga; dago kayon mankanta ed arap to!

Saray Salmo 100:2 Iomraidhean Croise

1 Saray Arari 8:66

Diad kumawalon agew, pinasempet la nen Solomon iray totoo. Inggalang na amin a totoo si Ari Solomon tan sinmempet iran maliket lapud amin a bindision ya inter na Katawan ed aripen ton David tan saray totoo ton Israelita.

2 Saray Awaran 29:30

Si Ari Ezekias tan saray pangulo na bansa et imbaga rad saramay Levita a kantaen dad Katawan iray kanta a pangidayew ya insulat ira nen David tan si Asaf a propita. Kanyan kinanta ran malikeliket legan dan mantatalimukor tan mangigagalang ed Dios.

2 Saray Awaran 31:2

Pinasimbalo nen Ari Ezekias so togyup da ray papari tan saray Levita. Diad sayan togyup da niiter ed balang sakey so kanepegan ton kimeyan. Saraya so kimey da: say pangisaklang na bagat a popoolan tan say bagat a para kareenan, say pibiang ed panangigalang ed Dios diad Timplo, tan say pangiter na dayew tan pisasalamat diad nandoroman pasen na Timplo.

Saray Salmo 42:4

Onsasakit so pusok kapag nanununotan ko ray agawa nen saman, nen kaibak iray karaklan a linmad abung na Dios, tan inwanwan ko rad panaakar da; malikeliket iran mankankanta tan maneeyag na dayew ed Dios.

Saray Salmo 71:23

Oneyag ak ed liket ko, leleg ta kan totogtogan; kantaan ta kay panangidayew ed intiron inkatook, ta inlaban mo ak.

Saray Salmo 95:2

Ondago tayod arap to a misalamat ed sikato, tan mankanta itayo na saray maliket a kanta a pangidayew.

Deuteronomio 12:12

Manliket kayod man ed arap to, pati saray anak yo, saray aripen yo, tan saray Levitan manayam ed saray baley yo; nunot yo a saray Levita et anggapoy dilin dalin da.

Deuteronomio 16:11

Manliket kayo ed arap na Katawan a pati saray anak yo, saray aripen yo, tan saray Levita, saray sangkaili, saray olila, tan saray balon bibii a manaayam ed saray baley yo. Gawa yo yad samay pasen a panangigalangan.

Deuteronomio 16:14

Manliket kayo a pati saray anak yo, saray aripen yo, tan saray Levita, saray sangkaili, saray olila, tan saray balon bibii a manaayam ed saray baley yo.

Deuteronomio 28:47

Say Katawan binindisionan to kayo na daakan a bengatla, balet ag kayo nanlingkur a maliket tan magayaga ed sikato.

FILIPOS 4:4

Manliket kayo lawas ed Katawan. Oliten ko: manliket kayo!