Saray Salmo 10:8 - Maung A Balita Biblia

⁸ Amut-amut ed saray bario, tan diman to tatalaranan a pateyen iray totoon anggapoy kasalanan. Sisiimen to ray totoon pakaskasi;

Maung a Balita Biblia

⁸ Amut-amut ed saray bario, tan diman to tatalaranan a pateyen iray totoon anggapoy kasalanan. Sisiimen to ray totoon pakaskasi;

Saray Salmo 10:8 Iomraidhean Croise

2 Saray Arari 21:16

Pinatey nen Manases iray amayamay a totoon anggapoy kasalanan, kanyan adelap na dala so daladalan na Jerusalem; sayan ginagawa to et kaaruman na samay impangilagyat ton angigalang ed saray talintao iray totood Juda, kanyan impankasalanan to rad Katawan.

Say Libro nen Job 24:14

Ompaway no palbangon so managpatey na too tan pateyen to ray mairap-bilay, insan diad labi mantakew.

Saray Salmo 17:11

Anggan iner so pigaran ko wadman ira; tatalaranan day pankanawnawan pangitumba rad siak.

Saray Salmo 94:6

Papateyen da ray balon bibii, saray olila, tan saray sangkailin manaayam ed dalin mi.

Probirbio 24:15

Ag mo aaligen iray totoon maoges a mannununot na pantakew dad toon matonung odino panamsam dad abung to.

Jeremias 22:17

Balet, sika, anggapoy arum a pampipilalekan mo no ag say pankaabigan mon dili; papateyen mo ray anggapoy kasalanan, tan maruksay pamapairap mod saray totoom. Say Katawan so nansalita.

Habacuc 3:14

Tinoruk na saray panam so pangulo da ray sondalo to, nen sinmabi ran singa bagyo ya angikayat ed sikami, malikeliket iran singa saray totoon maamut a mamapairap ed saray mairap-bilay.

Lucas 10:1

Kasumpal to ya, nampili si Jesus na pitomplo tan duan totoo. Pinaona to ra ed saray baley tan lugar a laen to, tan impanoolup to ran sandederwa.

Lucas 8:1

Ag abayag, nanliliber si Jesus ed saray baley tan bario a nampupulong tan nampapakabat na Maung a Balitan nipaakar ed Panariay Dios. Kaiba to ray labinduan disipulo to

Saray Huis 9:25

Saray totood Sikem angipasen ira na saray totoo ed saray toktok na palandey, ta sikaray mananeb ed kinen Abimelec, tan sinasamsaman da ray amin a dinmalan diman. Sayan nagagawa et nibaga ed kinen Abimelec.

1 Samuel 22:18

Kanyan inkuanen Saul ed kinen Doeg, “Patey mo ra!”—kanyan pinatey nen Doeg iran amin. Diad saman ya agew walomplo tan liman papari na Katawan so pinatey to; mansosolung na ipod ira yan papari.

1 Samuel 23:23

Anap yo ray petepeteg a pasen a panaamutan to, insan ki dia ompawil a tampol a mangibagad siak. Et no wadman nid saman a pasen, laen kon anapen ed anggan intiron dalin na Juda.”