Saray Salmo 10:14 - Maung A Balita Biblia

¹⁴ Balet nanaimatunan mo; nanaimanom so kairapan tan say kaermenan, et sipaparaan ka lawas ya ontulong. Say pakaskasin too imamatalek toy sikaton dili ed sika; tulongan mo lawas iray mankakaukolan.

Maung a Balita Biblia

¹⁴ Balet nanaimatunan mo; nanaimanom so kairapan tan say kaermenan, et sipaparaan ka lawas ya ontulong. Say pakaskasin too imamatalek toy sikaton dili ed sika; tulongan mo lawas iray mankakaukolan.

Saray Salmo 10:14 Iomraidhean Croise

Genesis 21:17

Arengel na Dios so panaakis na samay ogaw, tan manlapud tawen inkuan na sakey ya anghil na Dios ed kinen Agar, “Antoy panggugunigonan mo, Agar? Ag ka natatakot. Arengel na Dios so panaakis na ogaw.

Genesis 31:12

Intuloy ton inkuan, ‘Nengneng mo, amin a kanding a kalakyan a mankakasta et gulisan, batekan, tan baklayan ira. Gagawaen ko ya, ta nanenengneng koy gagawaen nen Laban ed sika.

2 Samuel 16:12

Angangko imanoen na Katawan so pangaskasiyan a kipapasen ko, et itdan to ak na saray bindision ya onsalat ed sayan panaayew to.”

2 Saray Arari 9:26

‘Anengneng ko karuman so impamatey ed kinen Nabot tan saray anak ton lalaki. Isipan kon dusaen ta kad sayan alog.’ Kanyan alam so bangkay nen Joram,” ganggan nen Jehu ed kapitan, “ta ibantak mod alog nen Nabot, onung na imbagay Katawan.”

2 Saray Awaran 24:22

Alingwanan na ari so matoor ya impanlingkur ed sikato nen Joiada ya ama nen Zacarias, kanyan impapatey toy Zacarias. Nen ompapatey si Zacarias, inmeyag, “Nanengneng komun na Katawan so gagawaen yo tan dusaen to kayo!”

2 Saray Awaran 6:23

O Katawan, dengel ka pad tawen ta sintinsiaan mo ray aripen mo. Dusam pay toon nankasalanan onung na kanepegan to, tan ibolus moy anggapoy kasalanan.

Saray Salmo 146:9

Iyaagel to ray sangkailin manaayam ed bansa tayo; tutulongan to ray balo tan saray olila, balet iyaakar to ray totoon maoges ed kaderalan da.

Saray Salmo 22:11

Ag mo ak pa aarawian! Asingger lay gunigon, et anggapoy arum ya ontulong ed siak.

Saray Salmo 31:8

Ag mo inyabuloy a nadakep ak na saray kalaban ko; initdan mo ak na kawayangan ya onlad labay kon laen.

Saray Salmo 35:22

Balet sika, Katawan, anengneng mo yan agawa. Kanyan ag ka komun marereen labat, O Katawan; ag mo ak pa aarawian!

Saray Salmo 55:22

Imatalek mod Katawan iray gunigon mo, et iyagel to ka; ag ton balut aabuloyan a natalo iray totoon matonung.

Saray Salmo 68:5

Say Dios a manaayam ed masanton Timplo to et aasikasoen to ray olila tan iyaagel to ray bibiin balo.

Saray Salmo 68:6

Iitdan toy abung a panayaman so toon maermen, tan paliliketen to ray priso diad pangibolus tod sikara, balet nepeg a manayam ed kalawakan iray totoon mananumpa.

Exodo 2:25

Say Dios anengneng toy pakakaaripen da ray Israelita tan inabagey to ra.

Exodo 22:22

Ag yo papairapen so siopaman a balon bii odino siopaman ya olila.

Exodo 22:26

No alaen yoy kawes na sakey a too a sikatoy kaletan a bayaran to kayo, nepeg yon ipawil kasakbayan ya onselek so agew,

Probirbio 15:25

Deralen na Katawan so kaabungan na saray totoon mapaatagey, balet iyagel toy kayamanan na saray bibiin balo.

Probirbio 15:3

Sankanengneng na Katawan iray nagagawa ed inerman a pasen; bambantayan to itayo, maung man o maoges so gagawaen tayo.

Isaias 10:3

Antoy gawaen yo no dusaen kayo na Dios? Antoy gawaen yo no iyakar tod sikayoy deral a manlapud arawin bansa? Iner so batikan yon kereway tulong? Iner so pangyamutan yo na saray kayamanan yo?

Jeremias 16:17

Nanenengneng koy amin a gagawaen da. Anggapoy antokaman ya akaamut ed siak; ag makapaliis ed pakanengneng ko iray kasalanan da.

Jeremias 23:24

Anggapoy toon makaamut ed pasen ya ag kod man nanengneng. Ag yo ta amta a kawalaan koy amin a pasen ed tawen tan diad dalin?

Jeremias 49:11

Itilak mod siak iray ulilan anak mo, ta asikasoen ko ra. Nayarin manmatalek ed siak iray babalom a bibii.

Jeremias 51:56

Sinmabi ran maneral ed Babilonia; adakep iray sondalo na Babilonia, tan apoter-poter iray pana ra. Siak so Dios a manudusad kaogsan, tan dusaen ko so Babilonia onung ed kanepegan to.

Saray Tagleey 3:59

Amtam so makapoy ya agawad siak; siak pa so pilaan mo ed panintinsiam.

Saray Tagleey 3:60

Amtam so pamobosul ed siak na saray kalaban ko, tan say pankokomplut da sumpad siak.

Oseas 14:3

Ag ka min balut nilaban na saray taga Asiria, tan ag kami niagel na saray kabayon para bakal. Ag min balut la ibagad saray talintao mi a sikaray Dios mi. O Katawan, kakasian mo ray totoo ya anggapoy napiregan da no ag sika lambengat.”

Oseas 14:4

Say Katawan kuanto, “Papawilen kod siak iray totook. Aroen ko ra ed intiron pusok; nakal lay pasnuk kod sikara.

Joel 3:4

“Antoy gagawaen yod siak, sikayo ran taga Tiro, Sidon, tan amin a dalin a sakop na Filistia? Babayaran yo ak, lapud sakey a bengatla? No ontan so gagawaen yo, bayaran ta kayon tampol!

Habacuc 1:13

Balet panon mon nitepel ira yan traidor tan maoges? Masanton tuloy iray matam ya onnengneng ed kaogsan, tan ag mo nitepel so onnengneng ed saray totoon manggagaway kakapoyan. Akin sirin et ag ka oneseesel, anggan papairapen na sarayan totoo iray matonung nen say sikara?

Deuteronomio 10:18

Iyaalagey toy pankatonungan da ray olila tan saray balo; inaro to ray sangkaili a manaayam ed kawalaan da ray totoo tayo, tan iitdan to ra na tagano tan kawes.

2 Timoteo 1:12

tan sikato yay makasengeg ya onya lay paniirap ko. Anggaman ontan, ag ko ibabaing yay nagagawad siak ta amtak no siopay panmamatalkan ko tan ag ko panduaruwaan a naasikaso ton maung, anggad saman ya Agew, so inmatalek kod sikato.

Saray Hebreo 4:13

Anggapoy niamut ed Dios. Diad pakanengneng to, lokas tan malinew ya amin iray pinalsa, tan sikato so pangebatan tayod kabibilay tayo.

1 Pedro 4:19

Kanyan saray manirap onung ed linaway Dios nepeg a manmatalek irad matoor a Manamalsa. Imatalek day intiron bilay dad sikato diad panamegley na panggawa ray maung a bengatla.

1 Pedro 5:7

Imatalek yod sikato ray amin a kapagaan yo, ta asikasoen to kayo.

Saray Huis 1:7

Inkuanen Adoni-bezec, “Nandodokdok nen saman na ibung ed silong na lamisaan ko iray arari ya apotut-potut so tangan na lima tan sali ra. Gagawaen ed siak natan na Dios imay ginagawak ed sikara.” Niakar ed Jerusalem si Adoni-bezec, tan diman la inatey.