Saray Salmo 1:2 - Maung A Balita Biblia

² Ingen, maliket a mangoonur na Ganggan na Katawan, tan agew-labi ton dadalepdepen.

Maung a Balita Biblia

² Ingen, maliket a mangoonur na Ganggan na Katawan, tan agew-labi ton dadalepdepen.

Saray Salmo 1:2 Iomraidhean Croise

Genesis 24:63

Aminsan ya onngangarem la pinmaway ya ompasyar ed kaalogan, et anengneng to ray onsasabin kamilyo.

Esdras 7:10

Inapasakey la nen Esdras so bilay to diad panaral tan pangonur tod Ganggan, tan diad pangibangat tod saray Israelita na saray bilin tan saray totontonen a walad Ganggan.

Say Libro nen Job 23:12

Oonuren ko lawas iray Ganggan na Dios; susumpalen koy linawa to, aliwan say dilin labay ko.

Saray Salmo 104:34

Pakaliketan to komuy kantak, ta manlalapud sikato so gayagak.

Saray Salmo 112:1

Idayew yoy Katawan! Maliket so toon mangigagalang ed Katawan, tan makaliliket a mangoonur ed saray ganggan to.

Saray Salmo 119:1

Maliket iray totoon anggapoy pakabalawan ed panagbilay da, saray mambibilay onung ed ganggan na Katawan.

Saray Salmo 119:11

Iyootel kod pusok so ganggan mo, pian ag ak mankasalanan ed sika.

Saray Salmo 119:35

Pansiansia mo ak pan matoluk ed saray ganggan mo, ta pakalmoan ko ray liket.

Saray Salmo 119:72

Say ganggan ya inter mo et mablid siak, nen say nilibo a balituk tan pilak.

Saray Salmo 119:92

No ag labat sobul na gayagak so ganggan mo, inatey ak la komun lapud paniirap ko.

Saray Salmo 40:8

Agaylay liket kon mangoonur na linawam, O Dios ko! Yaatul kod pusok so bangat mo.”

Saray Salmo 88:1

Katawan a Dios a manangilaban ko, no agew onkekerew ak na tulong ed sika, tan no labi onaasingger ak ed sika.

Jeremias 15:16

Nansalita kad siak et dinengel koy amin ya imbagam. Kayaryan mo ak, Katawan a Dios a Makapanyarin-amin, kanyan saray salitam pinano ray pusok na gayaga tan liket.

Lucas 18:7

Say Dios balet ey? Ag to kasi iter so kanepegan da ray dilin totoo to ya agew-labin mikasi? Ag to ra kasi tulongan a tampol?

Lucas 2:37

insan abalo, tan natan walomplo tan apat taon to lan abalo. Ag la onaalis ed Timplo, tan agew-labin igagalang toy Dios diad panamegley na panaayuno tan pampipikasi to.

Saray Taga Roma 7:22

Diad otel na pusok, malikeliket ak ed ganggay Dios.

1 TESALONICA 2:9

Natandaan yo ni, agagi, so impansasagput tan impankekesaw mi; nankimey kamid agew tan labi pian ag kami la makasakisakit na olod siopaman legan min ipupulong ed sikayo so Maung a Balitan nanlapud Dios.

1 Timoteo 4:15

Gawam tan isaklang mod saraya so bilay mo, pian nanengneng na amin so iyaaligwas mod pananisia.

2 Timoteo 1:3

Misasalamat ak ed Dios a diad panlilingkur kod sikato et malinis so konsinsiak, a singa ginawa da ray lalakik. Misasalamat ak ed sikato kapag nanunotan ta ka ed saray agew-labin pikakasik.

Josue 1:8

Nepeg a pampelengan mo a say libro na Ganggan et nibasa lawas no mangigalang kayod siak. Aral mod agew tan labi, tan pampelengan mon onuren iray amin a nisulat. Diad satan onaligwas ka tan maung so pansumpalan mo.

1 Juan 5:3

Ta say pangarod Dios kabaliksan toy pangonur tayod saray ganggan to. Et aliwan mairap ya onuren iray ganggan to,