Saray Huis 9:7 - Maung A Balita Biblia

⁷ Nen nadngelan nen Jotam so nipaakar ed saya, linman nanalagey ed toktok na Palandey na Gerizim tan kinulyaotan to ra, “Dengel kayod siak, sikayo ran totood Sikem, ta ompan dengelen kayo na Dios!

Maung a Balita Biblia

⁷ Nen nadngelan nen Jotam so nipaakar ed saya, linman nanalagey ed toktok na Palandey na Gerizim tan kinulyaotan to ra, Dengel kayod siak, sikayo ran totood Sikem, ta ompan dengelen kayo na Dios!

Saray Huis 9:7 Iomraidhean Croise

Genesis 37:6

Inkuanto, “Dengel kayod kogip ko.

Probirbio 21:13

No ag mo dengelen so pikekerew da ray mairap-bilay na tulong, ag met narengel so pankerew mo na tulong.

Probirbio 28:9

No ag mo oonuren so ganggan, kabosul na Dios a dengelen so pikakasim.

Isaias 1:15

“Onlingaw ak ed biek no itagey yo ray lima yo a mampikasi. Ag ta kayo dengelen anggan mansosoldungay pikakasi yo, lapud dala ya amin so lima yo.

Juan 4:20

Saray lalaki mi inggalang day Dios ed sayan palandey; balet sikayo ran Judio kuanyon diad Jerusalem so nepeg a pangigalangad Dios.”

Deuteronomio 11:29

No say Katawan niyakar to kayo lad dalin a panayaman yo, nepeg ya ibawag yo manlapud Palandey na Gerizim so bindision tan manlapud Palandey na Ebal so samba. (

Deuteronomio 11:30

Sarayan duaran palandey et wala rad sagur na Ilog na Jordan, diad dalin da ray Cananeo a manaayam ed patar na Jordan. Wala rad bandad sagur tan ag ira arawi ed saray masanton kiew ed More ya abay na baley na Gilgal.)

Deuteronomio 27:12

“No akabaliw kayo lad Ilog na Jordan, saray onggendan a tribu et manalagey ira ed Palandey na Gerizim tan ibawag day bindision ed saray totoo: Simeon, Levi, Juda, Isacar, Jose tan Benjamin.

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.

Josue 8:33

Saray Israelita a pati saray pangulo, opisyal, tan saray huis da, tan ontan met na saray kakaiba ran taga arum a bansa et nanalagey irad duaran dapag na Kaban na Sipanan na Katawan, tan sankaarap da ray paparin Levita ya anakbat na samay Kaban. Say kapalduad saramay totoo nanalagey iran akabeneg ed Palandey na Gerizim, tan saray kapaldua akabeneg irad Palandey na Ebal. Si Moises ya aripen na Katawan ingganggan ton gawaen da ya diad isabiy panaon a pangawat day bindision.

Saray Huis 9:6

Insan nantitipon ya amin iray totood Sikem tan Bet-millo tan linma rad masanton kiew a robli ed Sikem, tan diman da impagmaliw ya ari si Abimelec.

Saray Huis 9:8

Aminsan ya agew, saray kiew linma ran mamili na manarid sikara. Inkuandad kiew ya oliba, ‘Sika la so ari mi.’