Saray Huis 9:57 - Maung A Balita Biblia

⁵⁷ Impanirap met na Dios iray totood Sikem lapud kaogsan da, onung na impangisambad sikara nen Jotam a lakin anak nen Gedeon.

Maung a Balita Biblia

⁵⁷ Impanirap met na Dios iray totood Sikem lapud kaogsan da, onung na impangisambad sikara nen Jotam a lakin anak nen Gedeon.

Saray Huis 9:57 Iomraidhean Croise

2 Samuel 3:39

Anggan sakey ak ya arin pinili na Dios, makapkapoy ak ed sayan agew. Ag ko nayariay inkaruksa da ra yan lalakin anak nen Sarvia! Dusaen komun na Katawan ira yan kriminal onung ed kanepegan da!”

1 Saray Arari 16:34

Legan na impanoley to, si Hiel a taga Betel pinasimbalo ton impaalagey so Jerico. Diad impangiletneg tod pundasion na Jerico inatey si Abiram a lakin pangulowan ya anak to, tan diad impamaalagey tod saray puirta inatey si Segub a lakin yogtan ya anak to. Abalang nen Hiel ira yan anak to, onung na impasakbay na Katawan diad panamegley nen Josue a lakin anak nen Nun.

1 Saray Arari 2:32

Dusaen na Katawan si Joab lapud saraman ya impamatey to ya anggapoy pikakabat nen amak a David. Pinatey nen Joab si Abner a pangulo na saray sondalo na Israel, tan si Amasa a pangulo na saray sondalo na Juda. Pinatey to ran anggapoy kasalanan, anta maung tan matonung ni ra nen say sikato.

Saray Salmo 7:17

Pisasalamatan koy Katawan lapud inkatonung to; kakantaan ko na pangidayew so Katawan a Sankatageyan.

Saray Salmo 94:23

Lapud kaogsan da dusaen to ra, tan lapud saray kasalanan da deralen to ra; say Katawan a Dios tayo so manderal ed sikara.

Probirbio 5:22

Sakey a patit iray kasalanan na maoges a too. Naerel so maoges a too ed iket na dilin kasalanan to.

Isaias 3:11

Balet pangaskasiyay kipapasen da ray totoon maoges; nagawad sikara so ginagawa rad arum a totoo.

Josue 6:26

Diad sayan panaon si Josue impaakseb toy sakey a pasakbay: “Siopamay mamasimbalon mamaalagey ed siudad na Jerico et nagawad sikato yan samba na Katawan, Siopamay mangiletneg na pundasion to nabalang toy sankapangulowanan ya anak ton laki; Siopamay mamaalagey na saray puirta to, nabalang toy sankayogtanan ya anak ton laki.”

Saray Huis 1:7

Inkuanen Adoni-bezec, “Nandodokdok nen saman na ibung ed silong na lamisaan ko iray arari ya apotut-potut so tangan na lima tan sali ra. Gagawaen ed siak natan na Dios imay ginagawak ed sikara.” Niakar ed Jerusalem si Adoni-bezec, tan diman la inatey.

Saray Huis 10:1

Kayariy impatey nen Abimelec si Tola a lakin anak nen Pua tan apo nen Dodo et sinmalat ya angyagel ed Israel. Sikatoy kabyangan na tribu nen Isacar tan nanayam ed Samir diad kapokdulan na Efraim.

Saray Huis 9:20

Balet no andi, ompugso komun so manliub ya apoy a manlapud kinen Abimelec tan poolan to ray totood Sikem tan Bet-millo. Ompugso met komun so manliub ya apoy a manlapud Sikem tan Bet-millo tan poolan toy Abimelec.”

Saray Huis 9:24

Agawa ya, pian nabayaran day maoges a ginawa nen Abimelec tan saray totood Sikem ya anogsog ed sikato a mamatey ed saray pitomplon lalakin anak nen Gedeon.

Saray Huis 9:45

Sanagew so impanlalaban da. Adakep nen Abimelec so siudad, pinapatey to ray totoo to, inggeba to ray paalagey, tan tinabunan to na asin so dalin.

Saray Huis 9:56

Onya so impaningil na Dios ed kinen Abimelec, lapud kaogsan a ginawa tod si ama to diad impamatey tod saramay pitomplon lalakin agagi to.