Saray Huis 9:4 - Maung A Balita Biblia

⁴ Initdan da na pitomplon pilak a kuartan nanlapud timplo nen Baal-na-Sipanan. Impangupa to may kuarta na sakey ya olup na totoon maoges, pian miolup irad sikato.

Maung a Balita Biblia

⁴ Initdan da na pitomplon pilak a kuartan nanlapud timplo nen Baal-na-Sipanan. Impangupa to may kuarta na sakey ya olup na totoon maoges, pian miolup irad sikato.

Saray Huis 9:4 Iomraidhean Croise

2 Samuel 6:20

Ag abayag sinmempet met lay David a mangilugay ed pamilya to. Pinmaway ya onabet ed sikato si Micol tan inkuanto, “Sayan agew ontan lay impangitanduro na arid Israel ed sikaton dili! Singa ambagel a lakseb ed arap da ray bibiin managlingkur na saray opisyal to!”

2 Saray Awaran 13:7

Ag abayag anogyup na saray andi-kakanaan a lalaki, tan impasoot day labay da ed lakin anak nen Solomon a si Roboam ya ogaogaw nid saman tan anggapo niy asalsali tod bilay, kanyan ag to ra nalabanan.

Say Libro nen Job 30:8

Totoo ran andi-kakanaan tan anggapoy kalakal! Pinapataynan da rad paway na bansa.

Probirbio 12:11

Say makolin dumaralus daakan so kakanen to, balet kinaambagelan so pandarak na panaon ed andi-kakanaan iran pamaakaran.

Sofonias 3:4

Anggapoy kalakal, managtraidor iray propita; dodotakan na saray papari so bangatlan masanto, tan pipikeweten day ganggan na Dios, pian naala ray labay da.

Saray Gawgawa 17:5

Balet mangimon iray Judio, kanyan tinitipon da ray luko-lukon totoo ya akar-akar ed saray kalsada, tan nanggolo rad siudad. Nilooban day abung nen Jason, tan impasoot dan anapen ira di Pablo tan Silas, ta labay da ran iparontal ed saray totoo.

Saray Huis 11:3

Tinaynan nen Jefte iray agagi to tan nanayam ed dalin na Tob. Naayat tod man ya akiolup ed sikato iray lalakin maoges, tan nanoolup iran nanliber-liber a nanggagawa na kaogsan.

Saray Huis 8:33

Kayariy impatey nen Gedeon nagmaliw ya aliwan matoor lamet ed Dios iray Israelita tan angigagalang irad saray Baal. Impagmaliw dan dios da so Baal-na-Sipanan.

Saray Huis 9:27

Linma ran amin ed kaubasan da tan namborbor iray bunga, nanggawa ray alak, tan sinilibraan day sakey a pista. Linma rad timplo na dios da a dimay nanaakanan tan naniinoman da tan nanleglemewan dad kinen Abimelec.

1 Samuel 22:2

Linmad sikato ray totoon napapairap, o saray walay utang, o saray walay riklamo; sakey ya apat a lasus iran amin, tan nagmaliw a pangulo ra.