Saray Huis 7:8 - Maung A Balita Biblia

⁸ Kanyan pinasempet nen Gedeon ya amin iray Israelita, likud ed saramay talon lasus a sikaray angala na amin ya abasto tan saray trumpita. Walad leksab da so kampo da ray Madianita diad patar.

Maung a Balita Biblia

⁸ Kanyan pinasempet nen Gedeon ya amin iray Israelita, likud ed saramay talon lasus a sikaray angala na amin ya abasto tan saray trumpita. Walad leksab da so kampo da ray Madianita diad patar.

Saray Huis 7:8 Iomraidhean Croise

Isaias 27:13

No onsabiy tan ya agew, nasibuk so trumpita a panawag ya ompawil iray Israelitan nibantak ed Asiria tan Egipto. Onsabi rad Jerusalem tan igalang dad may Katawan ed masanton palandey to.

Levitico 25:9

Insan diad kumaplon agew na kumapiton bulan, say Agew na Pangekal na Kasalanan, mangibaki kayo na sakey a lakin mamaknul na trumpita ed intiron bansa.

Saray Bilang 10:9

No mibakal kayod loob na dalin yo, ta iyagel yoy sikayon dili ed saray kalaban a dinmogpad sikayo, paknul yod sarayan trumpita so tanul a para bakal. Siak a Katawan a Dios yo et tulongan ta kayo tan iyagel ta kayod saray kalaban yo.

1 CORINTO 15:52

diad sakey a bekta, diad kakirem labat, no ontanul lay kaonuran a trumpita. Katanul na trumpita, saray inaatey paolien irad bilay tan ag la ra ompatey. Naoman itayon amin,

Josue 6:20

Kanyan pinaknul na saray papari iray trumpita. Kadngel ed saya na saray totoo, inmeyaeyag ira, et ageba ray padir. Insan amin a sondalo kinmalab irad siudad, et adakep da.

Josue 6:4

Pitoran papari a sankaawit na balang sakey ed sikara so trumpita, so onlad arap na Kaban na Sipanan. Diad kumapiton agew sika tan saray sondalom et nepeg yon liberen a mamimpito so siudad legan a papaknulen na saray papari iray trumpita.

Saray Huis 3:27

Nen sinmabid man ed kapokdulan na Efraim, pinaknul toy trumpita a panawag ton mibakal iray lalakin Israelita; impangulo to ran inmakseb a nanlapud saray kapokdulan.

Saray Huis 6:33

Insan nantitipon ya amin iray Madianita, saray Amalecita, tan saray tribud kalawakan, binaliw day Ilog na Jordan, tan nankampo ra ed Patar na Jezreel.

Saray Huis 7:7

Inkuan na Katawan ed kinen Gedeon, “Iyagel tan panaloen ta kayod saray Madianita, sika tan saramay kakaibam a talon lasus a dinmildil ed danum. Ibagam ya onsempet la ray arum.”

Saray Huis 7:9

Diad saman a labi ingganggan na Katawan si Gedeon, “Bangon kayo, ta dogpaan yoy kampo da ray Madianita; panaloen ta kayo.