Saray Huis 7:4 - Maung A Balita Biblia

⁴ Insan inkuan na Katawan ed kinen Gedeon, “Dakerakel nin siansiay totoom. Iyakar mo rad kawalaay danum, ta diman ko ibiig so para sika. No ibagak a mila ed sika so sakey a too, sikatoy milad sika. No ibagak ya ag milad sika so sakey a too, sikatoy ag milad sika.”

Maung a Balita Biblia

⁴ Insan inkuan na Katawan ed kinen Gedeon, Dakerakel nin siansiay totoom. Iyakar mo rad kawalaay danum, ta diman ko ibiig so para sika. No ibagak a mila ed sika so sakey a too, sikatoy milad sika. No ibagak ya ag milad sika so sakey a too, sikatoy ag milad sika.

Saray Huis 7:4 Iomraidhean Croise

Genesis 22:1

Ag abayag, sinubok na Dios si Abraham; tinawag to, “Abraham!” “Wadya ak,” ebat nen Abraham.

Say Libro nen Job 23:10

Anggaman ontan amta toy kurang ko; no sobuken to ak narumog ton malinis so panagbilay ko.

Saray Salmo 33:16

Ag manatalo so sakey ya ari lapud saray makapanyarin sondalo to; ag manatalo so sakey a sondalo lapud dilin biskeg to.

Saray Salmo 66:10

Sinusubok mo kami, O Dios: no panoy kalilinisay pilak ya imparalan ed apoy, ontan met so impanusubok mod sikami.

Saray Salmo 7:9

Matonung kan Dios tan sisintinsiaan moy kanunotan tan pilalek mi. Patondam pay kaogsan da ray totoon maoges tan tumangan mo pa ray maung a totoo.

Saray Huis 7:5

Intagar nen Gedeon ed kawalaan na danum ira may lalaki, insan inkuan na Katawan ed sikato, “Ibiig mon amin iray dildilan dan singa aso so danum ed saray totoon ontalimukor ya oninom.”

1 Samuel 14:6

Inkuanen Jonatan ed samay balolaki, “Onla tad kampo da ray paganon Filisteo. Tulongan ita angangko na Katawan; no tulongan to ta, anggapoy antokaman a makasbel ed sikato diad pangiter tod sikatay pananalo, anggaman a dagdaiset ita.”

1 Samuel 16:7

Balet inkuan na Katawan ed sikato, “Ag mo iimanoen no panoy kinabaleg tan kinaguapo to. Impolisay ko, ta say panagpilik aliwan singa panagpili na too. Say too say walad paway so nenengnengen to, balet say puso so nenengnengen ko.”