Saray Huis 7:13 - Maung A Balita Biblia

¹³ Nen sinmabiy Gedeon, nadngel ton ibabaga na sakey a too ed kaaro to so nipaakar ed kogip to. Ibabaga to, “Akogip kon tinmolin ed kampo tayo so sakey a baleg a sibadan tinapay tan nakna to so sakey a tulda. Ageba may tulda tan nipasaplak ed dalin.”

Maung a Balita Biblia

¹³ Nen sinmabiy Gedeon, nadngel ton ibabaga na sakey a too ed kaaro to so nipaakar ed kogip to. Ibabaga to, Akogip kon tinmolin ed kampo tayo so sakey a baleg a sibadan tinapay tan nakna to so sakey a tulda. Ageba may tulda tan nipasaplak ed dalin.

Saray Huis 7:13 Iomraidhean Croise

1 CORINTO 1:27

Balet pinili na Dios so ipapasen ya andi-kakanaan na sankamundoan, pian napabaingan to ray makabat a totoo, tan pinili to so ipapasen a makapoy na sankamundoan, pian napabaingan to ray mabiskeg.

Saray Huis 3:15

Insan tinmawag ed Katawan iray Israelita, kanyan angibaki na sakey a too ya angyagel ed sikara. Sayan too et si Aod a lakin anak nen Gera tan kabyangay tribu nen Benjamin. Kawigi yan too. Imbaki na saray Israelita si Aod ed Moab tan sankaawit to ray rigalon para si Ari Eglon.

Saray Huis 3:31

Si Samgar a lakin anak nen Anat so tinmombuk a pangulo. Inyagel to met so Israel diad impamatey to na anem a lasus a Filisteo diad panamegley na baston a panagdagdag na baka.

Saray Huis 4:21

Mapalaloy inkaksawan nen Sisara, kanyan akaogip na malmalet. Angalay Jael na martilyo tan sakey a palpal na tulda, nankalkalnan nilooban toy Sisara, insan to pinatey diad panamegley na impangipanek ton anggad dalin na samay palpal ed alupising nen Sisara.

Saray Huis 4:9

Inmebat si Debora, “No ontan sirin, mila ak ed sika, balet aliwan sikay napagalangan ed nagamuran a pananalo, lapud ipalima na Katawan ed sakey a bii si Sisara.” Kanyan linmad Kedes si Debora a kaiba toy Barac.

Saray Huis 6:15

Inmebat si Gedeon, “Balet, Katawan, panoy pakapangiliktar kod Israel? Sankaleteyan so boleg ko ed saray boleg na tribu nen Manases, tan siak so saginonur ed amin da ray kabyangay kawalaan kon pamilya.”

Saray Huis 7:12

Singa olup na dakerakel a dorun iray Madianita, saray Amalecita, tan saray kabyangay tribu ya akapanat ed patar, tan singa karakel na buer ed gilig na dayat iray kamilyo ra.

Saray Huis 7:14

Inmebat imay kaaro to, “Anggapo lay arum itan no ag ta samay ispada nen Gedeon ya anak nen Joas tan sakey ya Israelita. Say Dios impanalo to ed Madian tan amin a sondalo tayo!”

Saray Huis 8:10

Di Zeba tan Zalmuna tan saray sondalo ra et wala rad Carkor. Diad amin da ray sondalo na saray tribu ed kalawakan, sakey a labinliman libo labat so akeraan; sanlasus tan duamplon libo lay apatey.