Saray Huis 6:4 - Maung A Balita Biblia

⁴ Mankampo ra ed dalin da tan deralen da ray tanaman da, ya anggad baybay ed pasen a kaliber-liber na Gaza. Alaen da ray amin a karniro, baka, tan asno ra. Anggapoy ikera ran pambilay na saray Israelita.

Maung a Balita Biblia

⁴ Mankampo ra ed dalin da tan deralen da ray tanaman da, ya anggad baybay ed pasen a kaliber-liber na Gaza. Alaen da ray amin a karniro, baka, tan asno ra. Anggapoy ikera ran pambilay na saray Israelita.

Saray Huis 6:4 Iomraidhean Croise

Genesis 10:19

Say nasasakopan dan dalin, manlapud Sidon, et nampaabalaten ya anggad Gerar, diad abay na Gaza, tan nampabokig ya anggad Sodoma, Gomorra, Adma, tan Zeboim, diad abay na Lasa.

Genesis 13:10

Ninengneng sirin nen Lot so kaliber-liber tan abantag ton say patar na Jordan ya anggad Zoar et dakel so danum to, a singa Tanamanan na Katawan o singa dalin na Egipto. (Diad saman a panaon, ag ni dineral na Katawan so siudad na Sodoma tan say siudad na Gomorra.)

Probirbio 28:3

Say toon walad pakaoley a mamapairap ed saray totoon mairap-bilay, et singa makmaksil ya oran a mandederal ed saray tanaman.

Jeremias 5:17

Kanen da ray bungay tanaman yo tan saray tagano yo; pateyen da ray anak yon lalaki tan bibii. Kanen da ray karniro yo tan saray baka yo; deralen da ray kaubasan tan saray kaigosan yo. Deralen na saray sondalo ra iray panmamatalkan yon siudad ya aliber na padir.

Levitico 26:16

dusaen ta kayo. Ipadalan kod sikayoy deral—saray ag natambal a sakit tan say petang na laman a mamulag ed sikayo tan kalkalnan ton oyusey bilay yo. Mantanem kayo balet anggapoy nagonggona yo, ta saray kalaban yo so mangalad saray intanem yo.

Obadias 1:5

“No onloob ed labi iray matatakew, alaen da labat iray labalabay da. No mamborbor na ubas iray totoo, walan walay ikera dan natortor. Balet sigput kayon dineral na saray kalaban yo.

Mikias 6:15

Isibwag yo ray bokel, balet ag yo naani ray bunga ra. Mampespes kayo na larak ed bungay oliba, balet ag yo nikana so larak. Manggawa kayo na alak, balet ag yo ra nainom.

Deuteronomio 28:33

Saray totoo na sakey a bansan ag yo amta et alaen na da ray bunga na saray tanaman a nansagputan yon pinabaleg, balet panamairap tan panamasegsegang labat so awaten yo lawas.

Deuteronomio 28:51

Kanen da ray ayayep yo tan saray bunga da ray tanaman yo, et ompatey kayod eras. Ag da kayo ikeraan na saray bungay tanaman yod alog, alak, larak na oliba, baka, odino karniro; et ompatey kayo.

Saray Huis 6:3

Kapag mantanem iray Israelita, dogpaan ira na saray Madianita a kaiba da ray Amalecita tan saray tribu ed kalawakan.