Saray Huis 6:10 - Maung A Balita Biblia

¹⁰ Imbagak ed sikayo a siak so Katawan a Dios yo tan ag kayo nepeg a mangigalang ed saray diriyos da ray Amorreo a say dalin da so panaayaman yo natan. Balet ag yo inngalngalep iray salitak ed sikayo.”

Maung a Balita Biblia

¹⁰ Imbagak ed sikayo a siak so Katawan a Dios yo tan ag kayo nepeg a mangigalang ed saray diriyos da ray Amorreo a say dalin da so panaayaman yo natan. Balet ag yo inngalngalep iray salitak ed sikayo.

Saray Huis 6:10 Iomraidhean Croise

2 Saray Arari 17:13

Angibakiy Katawan na saray managpulong tan saray propita to a mamasakbay ed Israel tan Juda. Onyay impaikuantod sikara: “Ikaindan yo ray maoges a kagagawa yo tan onur yo ray bilin kon walad Ganggan ya inter kod saray lalaki yo tan impasabik ed sikayo diad panamegley na saray aripen kon propita.”

2 Saray Arari 17:33

Kanyan inggalang day Katawan, balet inggalang da met iray diriyos dan dili, onung ed saray ogali na saray bansan nanlalapwan da.

2 Saray Arari 17:7

Ataloy Samaria, ta nankasalanan iray Israelita ed Katawan a Dios da ya angyagel ed sikarad ari na Egipto tan angipaway ed sikarad Egipto. Angigalang irad saray arum a diriyos,

Nehemias 9:29

Pinasakbayan mo ran onuren da ray ganggan mo balet lapud panagpasirayew da ag da ra inonur, anggaman a say pangonur ed Ganggan mo et pakagamuran na bilay. Diad kinaawet na olo ra tan inkabangar da, ag da labay so ontoluk.

Exodo 34:12

Ag kayo misisipanan ed saray totood bansa a laen yo, ta nayarin patit ya ed sikayo.

Exodo 34:14

“Ag kayo mangigagalang ed arum a diriyos ta siak a Katawan et maimon ak a Dios.

Probirbio 5:13

Ag ak dinmengel ed saray bumabangat ko. Ag ko ra inasikaso.

Jeremias 10:2

Kuanto, “Ag yo aaligen so kabibilay na saray totoo ed arum a bansa, tan ag kayo nagugunigon ed saray tanda a nanengneng yo ed tawen, anggaman a natatakot iray taga arum a bansa.

Jeremias 17:23

Ag dinmengel odino angasikaso ed siak iray lalaki ra. Ingen nagmaliw iran anawet a puso; ag ira ononur ed siak odino manaral ed siak.

Jeremias 3:13

Birbir mo labat a nankasalanan ka, tan sinmumpa ka ed Katawan a Dios mo. Ipatwam a diad silong na balang mabonan kiew, inter moy panangarom ed diriyos da ray arum a bansa, tan ag mo inonur iray ganggan ko. Siak, say Katawan, so nansalita.

Jeremias 3:25

Nepeg miy onlereg ed kababaingan tan tabunan kamiy kabandayan. Nanlapu lad impanogaw mi, saray lalaki mi tan sikami et nankasalanan ed Katawan a Dios mi; ag mi inonur iray ganggan to.”

Jeremias 42:21

Natan imbagak ed sikayo so papaibaga na Katawan, balet ag yo oonuren ya amiy bengatlan papaibagad siak na Katawan a Dios tayo ed sikayo.

Jeremias 43:4

Kanyan si Johanan, odino siopaman ed saray pangulo na saray sondalo, odino siopaman ed saray totoo et ag da labay so ontoluk ed ganggan na Katawan a mansiansia ran manayam ed dalin na Juda.

Jeremias 43:7

Ag da inonur so ganggan na Katawan tan linma rad Egipto ya anggad siudad na Tafnes.

Jeremias 9:13

Inmebat so Katawan, “Onyay agawa, lapud inkaindan na saray totook so bangat ya inter kod sikara. Ag da ak inonur odino sinumpal so imbagak ed sikara.

Sofonias 3:2

Ag to dinmengel ed Katawan odino inawat so panametek to. Ag nanmatalek ed Katawan odino kinmerew na tulong to.

Saray Taga Roma 10:16

Balet ag inawat na amin a katoowan so Maung a Balita. Si Isaias kuanto, “Katawan, siopay anisiad impulong mi?”

Saray Hebreo 5:9

Nen agawa lan nagnap, nagmaliw ya andi-anggaan a Manangilaban na amin da ray mangoonur ed sikato,

Josue 24:15

No ag yo labay a panlingkuran so Katawan, mampili kayo natan no siopay panlingkuran yo, saray diriyos ya inggagalang na saray lalaki yo ed Mesopotamia odino saray diriyos da ray Amorreo a panaayaman yo natan so dalin da. Para say siak tan say pamilyak, panlingkuran mi so Katawan.”

Saray Huis 2:2

Ag kayon balut misisipanan ed saray totoon manaayam ed sayan dalin. Nepeg yon igeba iray altar da.’ Balet ag yo sinumpal so imbagak ed sikayo. Sinumlang yo laingen!

Saray Huis 6:9

Inyagel ta kayod saray Egipsio tan saray totoon linmalaban ed sikayod sayan dalin. Legan na pankukurang yo, pinataynan ko ra tan inter kod sikayo so dalin da.