Saray Huis 5:11 - Maung A Balita Biblia

¹¹ Dengel kayo! Saray maingal a karaklan ed kaliber-liber na saray bobun et ibabaga ra so saray impanalo na Katawan, saray impanalo na saray Israelita! Insan nambabansag ya inmakseb a nanlapud saray siudad da iray totoo na Dios.

Maung a Balita Biblia

¹¹ Dengel kayo! Saray maingal a karaklan ed kaliber-liber na saray bobun et ibabaga ra so saray impanalo na Katawan, saray impanalo na saray Israelita! Insan nambabansag ya inmakseb a nanlapud saray siudad da iray totoo na Dios.

Saray Huis 5:11 Iomraidhean Croise

Genesis 24:11

Kasabi tod abay na bobun a walad paway na siudad, pinatalimukor to ra may kamilyo. Ngarem lad saman tan sikatoy oras ya ipapaway da ray bibii ya onasul.

Genesis 29:2

Kabebekta anengneng toy sakey a bobun ed alog a walay taloran simpok na karniron mandokdokul ed abay to. Diay inoman da tan walay baleg a batod sangab to.

Genesis 29:3

Kapag mantitipon irad may karniro, ekalen na saray pastol imay bato, painomen da ra, insan da ipawil imay bato ed pasen to.

Say Libro nen Job 29:7

No mantitipon nen saman iray mamasiken na siudad, et siak met lad satay mikasakey ed sikara,

Saray Salmo 145:7

Ibaga ray nipaakar ed ag nasabsabaan a kamaungan mo tan ikanta ray nipaakar ed panangasim.

Saray Salmo 71:15

Ibawag koy inkatonung mo; tongtongen ko lawas so panangilaban mo, anggaman ya ag ko natalusan a sigput.

Isaias 12:3

Onung a say ambetel a danum et mangiiter na liket ed saray totoon napgaan, ontan met a saray totoo na Dios et manliket ira no ilaban to ra.”

Isaias 28:6

Itdan to na maung a pakatalus ed katonungan iray huis, tan biskeg na linawa iray mangyaagel ed saray puirta na siudad pian ag nadogpaan na saray kalaban.

Saray Tagleey 5:4

Nakaukolan a bayaran miy danum ya iinomen mi; nakaukolan a saliwen mi ray itotongo mi.

Saray Tagleey 5:9

Ipupusta miy bilay mi kapag mananap kamiy napambilay; lapud akar-akar ed kaalogan iray managpatey na too.

Mikias 6:5

Totook, nunot yo may ginetman gawaen ed sikayo nen Ari Balak na Moab tan samay inebat ed sikato nen Balaam a lakin anak nen Beor. Nunot yo may agawad dalan a manlapud kampo ed Acacia ya anggad Gilgal. Nunot yo ra yan agawgawa, et nabirbir yon ginagawak ira diad impanyagel kod sikayo.”

Deuteronomio 22:24

nepeg ya iyakar yo ra ed paway na baley tan diman yo ra tupaken ya anggad ag da ipatey. Samay bii et nepeg a pateyen lapud ag inmeyag a kinmerew na tulong, anggaman a walad baley. Samay laki et nepeg a pateyen lapud akiakdul ed biin akisipanan lan miasawa. Diad ontan, napaandipat yo yan kaogsan.

Deuteronomio 33:21

Inala ran para sikara so sankaabigan a parti na dalin; Nipabetang ed sikara so apag na pangulo. Inonur da ray ganggan tan saray bilin na Katawan Nen nantitipon iray pangulo na Israel.”

Saray Huis 11:40

a saray Israelitan bibii et ompaway iran apat agew kapag taon tan ermenan day biin anak nen Jefte a taga Galaad.

Saray Huis 5:8

Insan walay bakal ed dalin nen nampili na balon diriyos iray Israelita. Diad apataplon libon lalaki ed Israel, walay sakey a nanawit na samper odino pika?

1 Samuel 12:7

Alagey kayo natan ed kawalaan yo, tan akusaen ta kayod arap na Katawan. Ipanunot kod sikayoy amin a pakelaw a ginagaway Katawan diad impangilaban tod sikayo tan saray lalaki yo.