Saray Huis 4:21 - Maung A Balita Biblia

²¹ Mapalaloy inkaksawan nen Sisara, kanyan akaogip na malmalet. Angalay Jael na martilyo tan sakey a palpal na tulda, nankalkalnan nilooban toy Sisara, insan to pinatey diad panamegley na impangipanek ton anggad dalin na samay palpal ed alupising nen Sisara.

Maung a Balita Biblia

²¹ Mapalaloy inkaksawan nen Sisara, kanyan akaogip na malmalet. Angalay Jael na martilyo tan sakey a palpal na tulda, nankalkalnan nilooban toy Sisara, insan to pinatey diad panamegley na impangipanek ton anggad dalin na samay palpal ed alupising nen Sisara.

Saray Huis 4:21 Iomraidhean Croise

Saray Salmo 3:7

Gala pa, Katawan! Ilaban mo ak, O Dios ko! Dudusaen mon amin iray kalaban ko, tan eekalan mo ray pakayarin mamasakit ed siak.

1 CORINTO 1:19

Ta ibabagay Masanton Sulat, “Deralen koy kakabatan da ray makabat, pagmaliwen kon andi-kakanaan so pakatalus da ray marunong.”

1 CORINTO 1:27

Balet pinili na Dios so ipapasen ya andi-kakanaan na sankamundoan, pian napabaingan to ray makabat a totoo, tan pinili to so ipapasen a makapoy na sankamundoan, pian napabaingan to ray mabiskeg.

Saray Huis 15:15

Insan akarumog na pokel na saray pangal na asno ya agano nin inatey. Ginawat ton inala, tan sikatoy impamatey to na sanlibon Filisteo.

Saray Huis 3:21

Inoyus na kawigin lima nen Aod imay ispadad kawanan a diking to, insan to intoruk ed eges na ari.

Saray Huis 3:31

Si Samgar a lakin anak nen Anat so tinmombuk a pangulo. Inyagel to met so Israel diad impamatey to na anem a lasus a Filisteo diad panamegley na baston a panagdagdag na baka.

Saray Huis 4:20

Insan inkuanen Sisara ed kinen Jael, “Manalagey kad puirtay tulda, et no walay onsabi tan tepeten to no walay too dia, ibagam ya anggapo.”

Saray Huis 4:22

Nen sinmabiy Barac a manaanap ed kinen Sisara, pinmaway si Jael a mangabet ed sikato tan kuantod sikato, “Gala dia! Ipanengneng kod sikay toon aanapen mo.” Kanyan linmoob si Barac a kaiba toy Jael, tan wadman si Sisara ya akarokul ya inatey a nipanek a tinmalus ed alupising to so palpal na tulda.

Saray Huis 4:9

Inmebat si Debora, “No ontan sirin, mila ak ed sika, balet aliwan sikay napagalangan ed nagamuran a pananalo, lapud ipalima na Katawan ed sakey a bii si Sisara.” Kanyan linmad Kedes si Debora a kaiba toy Barac.

1 Samuel 17:43

Inkuantod kinen David, “Antoy gawaen mod satay baston? Abaloan mo sirin ya aso ak?” Kinerew to ya isamba na saray dios to si David.