Saray Huis 4:10 - Maung A Balita Biblia

¹⁰ Tinawag diman nen Barac iray kabyangay tribu di Zabulon tan Neftali, tan tinmombuk ed sikato iray samplon libon lalaki. Akilad sikato si Debora.

Maung a Balita Biblia

¹⁰ Tinawag diman nen Barac iray kabyangay tribu di Zabulon tan Neftali, tan tinmombuk ed sikato iray samplon libon lalaki. Akilad sikato si Debora.

Saray Huis 4:10 Iomraidhean Croise

1 Saray Arari 20:11

Inmebat si Ari Acab, “Ibaga yod kinen Ben-hadad a mampasirayew so peteg a sondalo kayariy bakal, aliwan diad kasakbayan na bakal.”

Saray Salmo 68:28

Ipanengneng mo pay pakayarim, O Dios, say pakayarin inkanam a para sikami,

Exodo 11:8

Insumpal nen Moises so pansasalita to diad impangikuanto, “Ondagod siak ya amin iray opisyal mo tan ondakmomo rad siak, tan kerewen dad siak ya itaynan ko la ray amin a totook. Kayari to tan, ontaynan ak la.” Insan linma lay Moises a mapalaloy pasnuk to.

Saray Huis 4:14

Insan inkuanen Debora ed kinen Barac, “Laka! Say Katawan so mangipangulod sika! Natan ed sayan agew ipatalo tod sika si Sisara.” Kanyan inmakseb si Barac a nanlapud Palandey na Tabor a kaiba to ray samplon libon totoo to.

Saray Huis 4:6

Aminsan ya agew impaawit toy Barac a lakin anak nen Abinoam a taga siudad na Kedes na Neftali tan kuantod sikato, “Say Katawan a Dios na Israel et inter tod sika yan ganggan: ‘Mangala kay samplon libon lalaki ed saray tribu di Neftali tan Zabulon tan ipangulom iran onlad Palandey na Tabor.

Saray Huis 5:15

Sinmabi ray pangulo nen Isacar a kaiba ray Debora; on, sinmabiy Isacar a pati si Barac, tan saray totoo et tinombuk dad patar. Balet naapag so tribu nen Ruben; ag ira akapampapakna ya ontombuk.

Saray Huis 5:18

Balet saray totoo di Zabulon tan Neftali imposta ray bilay dad bakalan.

Saray Huis 6:35

Angibaki na saray lalakin manawag ed saray lalakin walad sakop na duaran dalin na Manases, ta ontombuk irad sikato. Angibaki met na saray lalakin manawag ed saray lalakin kabyangay tribu di Aser, Zabulon, tan Neftali, et sinmabi ra met a milad sikato.

1 Samuel 25:27

Kanyan awat mo pa yay panangaron awit ko a para sika, tan iter mod saray totoom.