Saray Huis 3:7 - Maung A Balita Biblia

⁷ Alingwanan na saray Israelita so Katawan a Dios da; nankasalanan irad sikato tan inggagalang da ray talintao nen Baal tan Asera.

Maung a Balita Biblia

⁷ Alingwanan na saray Israelita so Katawan a Dios da; nankasalanan irad sikato tan inggagalang da ray talintao nen Baal tan Asera.

Saray Huis 3:7 Iomraidhean Croise

1 Saray Arari 16:33

Nanggawa met na talintao nen diosan Asera. Pinalumbasan ton nankasalanan iray amin ya ararid Israel ya akaonan nanoley nen say sikato, lapud saray ginagawa ton maoges ya amasnukay Katawan a Dios na Israel.

1 Saray Arari 18:19

Iganggan mon banaen ak na amin a totood Israel diad Palandey na Carmelo. Awit mo ray apat a lasus tan limamplon propita nen Baal tan saray apat a lasus a propita na diosan Asera a tataganoen ira nen Riyna Jezebel.”

2 Saray Arari 23:14

Minekmek nen Ari Josias iray baton lusek, binatang tod sengeg so masanton tiken a nisaklang ed diosan Asera, insan to tinabunan na pokel da ray inaatey so dalin a niletnegan da.

2 Saray Arari 23:6

Inekal tod Timplo so masanton tiken a nisaklang ed Asera, impaway tod siudad tan inyakar tod Patar na Cedron, pinoolan to, minekmek to ya anggad nagmaliw a dapul, insan to impokopuk ed kamposantoy karaklan.

2 Saray Awaran 15:16

Inekal nen Ari Asa si bai ton Maaca ed kipapasen ton riynan ina, lapud nampagawa na makapaingungot a talintao na diosan Asera. Binatang nen Asa imay talintao, binelang to, insan to pinoolan ed Patar na Cedron iray abelang to.

2 Saray Awaran 24:18

Tinondaan na saray totoo so mangigalang ed Timplo na Katawan, say Dios na saray lalaki ra, tan angigalang irad saray talintaoy diriyos tan saray talintaoy diosan Asera. Lapud sayan kasalanan na saray totood Juda tan Jerusalem, akapasnuk so Katawan ed sikara.

2 Saray Awaran 33:19

Say pikakasi na ari tan say ebat na Dios ed sayan pikakasi, saray ginagawa ton kasalanan tan kaogsan kasakbayan a nagbabawi—saray ginagawa ton pasen a panangigalangan na saray pagano tan saray tanda na diosan Asera, tan saray talintaoy diriyos ya inggagalang to et nikorit iran amin ed Say Awaran da ray Propita.

2 Saray Awaran 33:3

Pinapasimbalo ton impaalagey iray paganon pasen a panangigalangan a dinederal nen Ezekias ya ama to. Nanggagawa na saray altar a panangigalangan ed Baal, saray talintao na diosan Asera, tan inggagalang to ray bitewen.

2 Saray Awaran 34:3

Nen kumawalon taon na panooley nen Ari Josias, nen ogaogaw ni, ginapwan to lan inggalang so Dios na laki ton Ari David. Kayariy apat taon ginapwan ton dinederal iray pasen a panangigalangan na saray pagano, saray tanda na diosan Asera, tan saray arum nin talintaoy diriyos.

2 Saray Awaran 34:7

Diad intiron Nanarian ed Baybay, dinederal to ray altar tan saray tanda na Asera, minemekmek to ya anggad dinmabuk iray talintaoy diriyos, tan tinetemek ton amin iray altar a panagpoolan na insinso. Insan pinmawil ed Jerusalem.

Saray Salmo 106:35

Ingen, akiasawaan irad sikara, tan tinmombuk irad saray kaogaliyan da.

Saray Salmo 106:36

Angigalang iray totooy Dios ed saray talintaoy diriyos, et sikato yay aderalan da.

Saray Salmo 106:7

Ag atalusan na saray lalaki mid Egipto iray makapakelkelaw a gawgaway Dios; alingwanan da ray amimpiga-pigan impanengneng na Dios a panangaro tod sikara, tan sinumlang da so Makapanyarin-amin diad Dayat ya Ambalanga.

Exodo 34:13

Igeba yo ingen iray altar da, deral yo ray masanton lusek da, tan batang yo ray tanda na diosa ran Asera.

Jeremias 23:27

Abaloan da a diad panamegley na saray ibabaga ran kogip et lingwanan ak na saray totoo, a singa impangilingwan ed siak na saray lalaki ra tan impanlingkur dad kinen Baal.

Deuteronomio 16:21

“No manggawa kayo na altar a para Katawan a Dios yo, ag yo iyaabay so kiew a tanda na diosan Asera.

Deuteronomio 4:9

Manalwar kayo! Ag yon balut lilingwanan, legay bilay yo, imay anengneng na dilin mata yo. Ibaga yod saray anak yo tan saray apo yo

Deuteronomio 8:11

“Manalwar kayo, ta ompan nalingwanan yo so Katawan a Dios yo; onur yo ray amin a ganggan to ya iiter kod sikayo natan.

Deuteronomio 8:14

manalwar kayo ta ompan magmaliw kayon mapaatagey tan nalingwanan yoy Katawan a Dios yo ya angipaway ed sikayod Egipto ya akaaripenan yo.

Deuteronomio 8:18

Nunot yo a say Katawan a Dios yo so angiter ed sikayo na pakayari a mampayaman. Onyay gagawaen to lapud niy matoor ya anggad natan ed samay impisipanan tod saray lalaki yo.

Saray Huis 3:12

Nankasalanan lamet ed Katawan iray Israelita. Lapud sayan ginawa ra, say Katawan impagmaliw ton mabiskeg niy Ari Eglon na Moab nen say Israel.

Saray Huis 3:8

Kanyan akapasnuk so Katawan ed Israel, et inabuloyan toy Ari Cusan-risataim na Mesopotamia a nadakep to ra. Waloy taon a nagmaliw iran walad silong na pakaoley to.

Saray Huis 6:25

Diad saman a labi say Katawan inkuantod kinen Gedeon, “Alam so bakan kalakyan nen amam tan say sakey a bakan kalakyan a pitoy taon to, igebam so altar a ginawa nen amam a para Baal, tan itumbam so tanda nen diosan Asera a kaabay na samay altar.

Saray Huis 8:33

Kayariy impatey nen Gedeon nagmaliw ya aliwan matoor lamet ed Dios iray Israelita tan angigagalang irad saray Baal. Impagmaliw dan dios da so Baal-na-Sipanan.

Saray Huis 8:34

Ag da la nilingkuran so Katawan a Dios ya angyagel ed sikara ed saray amin a kalaban dad kaliber-liber da.

1 Samuel 12:10

Insan kinmerew iray tulong ed Katawan tan kuanda, ‘Nankasalanan kami, ta impolisay mi ka, Katawan, tan nanlingkur kamid saray talintaoy diriyos di Baal tan Astarot. Iyagel mo kami pad saray kalaban mi, et panlingkuran mi ka!’

1 Samuel 12:9

Balet impolisay na saray lalaki yo so Katawan a Dios da. Kanyan inabuloyan na Katawan a taloen ira na saray Filisteo, tan say ari na Moab, tan si Sisera, say pangulo da ray sondalo na siudad na Hazor.