Saray Huis 3:15 - Maung A Balita Biblia

¹⁵ Insan tinmawag ed Katawan iray Israelita, kanyan angibaki na sakey a too ya angyagel ed sikara. Sayan too et si Aod a lakin anak nen Gera tan kabyangay tribu nen Benjamin. Kawigi yan too. Imbaki na saray Israelita si Aod ed Moab tan sankaawit to ray rigalon para si Ari Eglon.

Maung a Balita Biblia

¹⁵ Insan tinmawag ed Katawan iray Israelita, kanyan angibaki na sakey a too ya angyagel ed sikara. Sayan too et si Aod a lakin anak nen Gera tan kabyangay tribu nen Benjamin. Kawigi yan too. Imbaki na saray Israelita si Aod ed Moab tan sankaawit to ray rigalon para si Ari Eglon.

Saray Huis 3:15 Iomraidhean Croise

Saray Huis 3:9

Insan tinmawag ed Katawan iray Israelita, et angibaki na sakey a lakin angilaban ed sikara. Sayan laki et si Otniel ya anak nen Kenaz a yogtan nen Caleb.

Saray Salmo 78:34

Balet kapag wala ray pateyen tod sikara, saray nakdaan onsingger irad Dios; mampatauli ra tan masimoon iran mampikasid sikato.

Isaias 36:16

Ag yo dedengeley Ezekias. Igaganggan na impirador na Asiria a paway kayod siudad tan suko ki la. Naabuloyan kayon mangan na ubas ed dilin kaubasan yo, mangan na igos ed dilin kaigosan yo, tan oninom na danum ed dilin bobun yo—

1 Saray Awaran 12:2

Kabyangan ira na tribu nen Benjamin; si Saul et kabyangan met na sayan tribu. Kawanan-kawigi so panamana tan panamansut da.

Jeremias 33:3

“Tawag kad siak, et ebatan ta ka; ibagak ed sika ray makapakelaw tan niamut a bengatlan ag mo ni ra akabatan.

Probirbio 21:14

No walay mamapasnuk ed sika, say rigalon niiter a maamut pakepaen toy pasnuk to.

Probirbio 19:6

Labay na balang sakey so mangala na abig-linawa na toon atagey so kipapasen; ipapasen na balang sakey a kaaro to iray totoon mangiiter na abig-linawa.

Probirbio 18:16

No labay mon napiarapan so toon atagey so kipapasen, iyawitan mo na rigalo.

Saray Salmo 90:15

No kaonungay inter mod sikamin ermen, leleg da ra may taon a wala kamid segsegang, ontan pa met so iter mod sikamin liket.

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.”

1 Samuel 10:27

Balet wala ray pigaran andi-kakanaan a totoo ya inkuanda, “Panon to itayon niyagel yan too?” Binalaw day Saul tan ag da initdan na antokaman.

Saray Huis 3:14

Labinwaloy taon a walad silong na pakaoley nen Eglon iray Israelita.

Saray Huis 3:16

Nanggaway Aod na duaray tarem ya ispada a ngalngalin kapalduay mitro so karokey to. Imbalkes tod kawanan a diking to ya asakbungay kawes to.

Saray Huis 2:16

Insan say Katawan initdan to ra na saray pangulon huis ya angyagel ed sikarad saray kalaban da.

Saray Huis 4:3

Si Jabin walay siam a lasus a balatyang a karwahi ton para bakal, tan duamploy taon a pinapairap ton inoleyan iray totood Israel. Insan kinmerew na tulong ed Katawan iray Israelita.

2 Samuel 20:9

Inkuanen Joab ed kinen Amasa, “Antoy bilay, kaaro?” insan to binembenan ed kawanan a lima to so balbas nen Amasa, ta anguban to.

2 Samuel 20:10

Balet ag naimano nen Amasa so ispadan sankabembenan nen Joab ed sakey a lima to. Indoyuk nen Joab so ispada ed eges nen Amasa et abuyak ed dalin so pait to. Inatey a tampol, kanyan ag la pinidua nen Joab. Insan intuloy nen Joab tan si Abisai ya agi to so onosil ed kinen Seba.

1 Saray Awaran 8:3

Sikara yay kabyangay boleg nen Bela: di Adar, Gera, Abihud,

1 Saray Awaran 8:5

Gera, Sefufan, tan Huram.

2 Saray Awaran 9:24

Balang sakey ed sikara inawitan toy Solomon na rigalo—saray kagawaan a balituk tan pilak, saray kawes, saray armas, saray rikado, saray kabayo, tan saray mula. Tinaon yan nagagawa.