Saray Huis 3:1 - Maung A Balita Biblia

¹ Kanyan say Katawan impansiansia ton nanayam ed dalin na Canaan iray pigaran bansa, pian nasubok to ray Israelita ya ag akibakal ed Canaan.

Maung a Balita Biblia

¹ Kanyan say Katawan impansiansia ton nanayam ed dalin na Canaan iray pigaran bansa, pian nasubok to ray Israelita ya ag akibakal ed Canaan.

Saray Huis 3:1 Iomraidhean Croise

2 Saray Awaran 32:31

Kanyan anggan nen sinmabi ray taga Babilonia a nibakin manosisad nidoma-doman agawa ed bansa to, inabuloyan na Dios si Ezekias a gawaen toy labay ton dili pian nasubok so petepeteg ya inkatoo to.

Say Libro nen Job 23:10

Anggaman ontan amta toy kurang ko; no sobuken to ak narumog ton malinis so panagbilay ko.

Exodo 15:25

Masimoon a nampikasi ed Katawan si Moises, et say Katawan impanengneng tod sikato so sakey a poter na kiew. Imbantak nen Moises ed danum imay poter na kiew, et nagmaliw a nayarin inomen la may danum. Diman so angitdan na Katawan na saray ganggan a nepeg dan tombuken, tan diman so anubokan tod sikara.

Probirbio 17:3

Say balituk tan say pilak susuboken na apoy, tan say puso na too susuboken na Katawan.

Jeremias 6:27

Jeremias, subok mo ray totook, a singa panggugol mod mital; subok mo ra, ta nengneng mo no antoy kapara ra.

Zacarias 13:9

Suboken ko ray akeraan a kakatlo tan linisan ko ran singa kalinisan na pilak ed apoy. Suboken ko ran singa kasubok na balituk. Insan ira mampikasi ed siak, et ebatan ko ra. Ibagak ed sikara a sikaray totook, tan ibawag dan siak so Dios da.”

Juan 2:24

Balet ag inmatalek nen Jesus so sikaton dili ed sikara, lapud kabat ton amin iray totoo.

Deuteronomio 7:22

Kalkalnaan to a pataynanen ira yan totoo legan a looban yoy bansa ra. Ag yo ra napatey a mamimpinsan, ta no napatey yo ran mamimpinsan ondakel iray ayayep ed takel et maatap ed satan so bilay yo.

Deuteronomio 8:16

Diad kalawakan initdan to kayo na mana a kinan yo, say kakanen ya ag balut atawayan na saray lalaki yo. Initdan to kayo na saray kairapan a panubok tod sikayo, pian diad kaonuran nabindisionan to kayo na saray maabig a bengatla.

Deuteronomio 8:2

Nunot yo no panoy impangiwanwan ed sikayo na Katawan a Dios yo ed loob na apataploy taon diad kalawakan, impanlikna to kayoy kairapan a panubok ed sikayo, pian naamtaan to no antoy ginetma yon gawaen tan no kasi onuren yo ray ganggan to odino andi.

1 Pedro 1:7

Say balituk a naderal, iparalad apoy pian naamtaan no tuan puro. Ontan met, say pananisia yo a maung nen say balituk, nasubok pian naamtaan no tuan malet. Diad ontan napagalangan, nadayew, tan nitanduro kayo no Agew a nipanengneng si Jesu-Cristo.

1 Pedro 4:12

Inararo, ag yo nepeg a pankelawan tan ipasen a nidoma-doman bengatla so ansakisakit a pananubok a liliknaen yo.

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.

Saray Huis 1:1

Kayariy impatey nen Josue saray Israelita tinepet dad Katawan, “Dinan ed saray tribu mi so ononan onla ya ondogpad saray Cananeo?”

Saray Huis 2:10

Inaatey ya amin iray kabyangan na saman a kailalakan; alingwanan na saray kabyangan na sinmalat a kailalakan so Katawan tan saray ginagawa tod Israel.

Saray Huis 2:23

Kanyan inabuloyan na Katawan a mansiansiad dalin ira yan bansa; ag to impanalod sikara si Josue odino pinataynan ira kapatey nen Josue.

Saray Huis 3:2

Ginawa to ya labat, pian nabangatan toy balang kailalakan na saray Israelita nipaakar ed bakal, nagkalalo lad saray ag nin balut akapibakal nen saman.